कुख्यात गुंड निलेश घायवळवर कुस्तीच्या फडामध्ये हल्ला, धाराशिव जिल्ह्यातील घटना-Nilesh Ghayval Attack in Dharashiv

कुख्यात गुंड निलेश घायवळवर कुस्तीच्या फडामध्ये हल्ला, हल्लेखोर पोलिसाच्या ताब्यात धाराशिव जिल्ह्यातील घटना-

धाराशिव : पुणे येथील कुख्यात गुंड निलेश घायवळ वर धाराशिव जिल्ह्यातील भूम तालुक्यातील  एका गावांमध्ये कुस्तीच्य फडामध्ये एका पैलवानाने त्यांच्यावर हल्ला केल्याची घटना घडल्याचे समोर आली आहे. या घटनेची अधिक माहिती अशी की  कुख्यात गुंड निलेश घायवळ(Nilesh Ghaywal) याला कुस्ती चालू असताना भर फडात मारहाण झाल्याची माहिती समोर आली आहे. भूम तालुक्यातील आंदरूड गावात यात्रेनिमित्त भरवलेल्या कुस्ती स्पर्धेत हा प्रकार घडला. भूम तालुक्यातील आंदरूड येथील ग्रामदैवत जगदंबा देवीच्या यात्रेनिमित्त ही स्पर्धा भरवण्यात आली होती. या स्पर्धेचे आयोजनही निलेश घायवळ(Nilesh ghayval) याने केले होते. निलेश घायवळ ही कुस्ती पाहण्यासाठी तेथे आला होता. तो कुस्तीच्या फडात जाऊन पैलवानांची भेट घेत होता. त्यावेळी एक पैलवान अचानक निलेश घायवळच्या अंगावर धावून आला या पैलवानाने निलेश घायवळ याला मारहाण केल्याचे समजते. त्याने निलेश घायवळच्या कानशिलात लगावली. मात्र, आजुबाजूचे लोक लगेच निलेश घायवळच्या मदतीला धावून आले. घायवळ समर्थकांनी या पैलवानाला चोप दिला हल्ला करणारा पैलवान हा  अहिल्यानगर जिल्ह्यातील जामखेड(Jamkhed) जवळील नान्नज या गावातील असल्याचे समजते. निलेश घायवळ याला मारहाण केल्यानंतर हा पैलवान घटनास्थळावरुन फरार झाला होता मात्र त्याचा वाशी पोलिसांनी तपास करून हल्लेखोरांना ताब्यात घेतली आहे. सागर मोहोळकर असे हल्लेखोर पैलवानाचे नाव आहे.

निलेश घायवळ याच्या अंगावर पैलवान धावून आला तेव्हा तो आणि आयोजक हे आखाड्यात पैलवानांची भेट घेत होते. यावेळी प्रसिद्ध कुस्तीपटू थापाची कुस्ती सुरू असल्याने कुस्तीच्या मैदानाजवळ कुस्तीप्रेमींनी गर्दी केली होती. याच गर्दीचा फायदा घेत संबंधित पैलवानाने अचानक निलेश घायवळवर हल्ला करण्यात आला. निलेश घायवळ याच्यावर हा हल्ला नेमका कोणत्या कारणामुळे झाला हे अद्याप समजू शकले नाही. मात्र, अशाप्रकारे एका कुख्यात गुंडावर भरमैदानात हल्ला झाल्याने एकच खळबळ उडाली आहे. या हल्ल्याचा व्हिडीओ सध्या सोशल मिडीयावर(Social media) व्हायरल होत आहे. या घटनेची राज्यभर चर्चा रंगली आहे.काल रात्रीपासून पोलीस या तरुणाचा कसून शोध घेत होते. या तपासादरम्यान निलेश घायवळ याच्यासारख्या नामचीन गुंडाच्या अंगावर हात टाकणाऱ्या तरुणाचे नाव समोर आले आहे. सागर मोहोळकर(Sagar Moholkar) असं हल्ला करणाऱ्या तरुणाचं नाव आहे. तो अहिल्यानगर जिल्ह्यातील नानज गावचा रहिवासी आहे. तो पेशाने पहिलवान असून शुक्रवारी रात्री तो धाराशिव(Dharashiv) जिल्ह्याच्या भूम तालुक्यातील आंदरुड गावच्या जत्रेला उपस्थित होता.

कुस्तीच्या फडामध्ये नेमकं काय घडलं?

सोशल मीडियावर व्हायरल होत असलेल्या व्हिडीओत निलेश घायवळ हा आयोजकांसोबत कुस्तीच्या मैदानात राऊंड मारताना दिसत आहे. त्याच्या स्वागतासाठी हलगी वाजवल्या जात असल्याचं व्हिडीओत दिसत आहे. हलगी वाजवणाऱ्यांच्या मागे निलेश घायवळ आणि कुस्ती स्पर्धेचे आयोजक चालताना दिसत आहे. हे सर्वजण कुस्तीच्या फडात पहिलवानांना भेटण्यासाठी आणि शुभेच्छा देण्यासाठी आले होते. त्यावेळी समोरच उभ्या असलेला पैलवान निलेश घायवळ याच्या अंगावर धावून गेला. या पैलावानाने निलेश घायवळच्या कानाखाली मारली. त्यानंतर हा पैलवान निलेश घायवळला आणखी मारहाण करण्याच्या बेतात होता. मात्र, घायवळ गँगमधील(Nilesh Ghayval Gang) सहकारी या पैलवानावर तुटून पडले. त्यांनी या पैलवानाला चांगलाच चोप दिला. या घटनेमुळे कु्स्ती स्पर्धेत गोंधळाचे वातावरण निर्माण झाले होते.

कोण आहे गुंड निलेश घायवळ ?

कुख्यात गुंड निलेश घायवळ हा पुणे येथील सराईत गुन्हेगार आहे. त्यांची पुण्यामध्ये घायवळ   गॅंग सक्रिय आहे. निलेश घायवळ हा मूळचा अहिल्यानगर जिल्ह्यातील जामखेड तालुक्यातील सोनगाव या गावचा मूळ रहिवासी. तो पुण्यामध्ये गजा मारणे या गुंडाच्या सानिध्यात राहून त्यांनी आपली घायवळ गॅंग सक्रिय केली.गुन्हेगार निलेश घायवळ याच्यावर यापूर्वी मोक्का, खुन, जीवे मारण्याचा प्रयत्न करणे, खंडणी, दरोडा, गर्दी जमवून दंगा करणे, गंभीर दुखापत करणे, मारामारी असे गंभीर स्वरुपाचे एकूण 14 पेक्षा जास्त गुन्हे दाखल आहेत. मध्यंतरी निलेश घायवळ व त्याच्या साथीदारांविरुद्ध भिगवण पोलीस स्टेशनला अपहरण खंडणीचा गुन्हा दाखल झालेला होता.