विविध क्षेत्रातील मान्यवरांकडून पूनम राजपूत- गहेरवार यांचा गौरव

विविध क्षेत्रातील मान्यवरांकडून पूनम राजपूत- गहेरवार यांचा गौरव

धाराशिव (प्रतिनिधी) अत्यंत प्रतिकूल परिस्थितीत पुनम अनिल सिंह राजपूत-गेहेरवार यांनी कायद्याच्या पदवीचे शिक्षण पूर्ण केले. तसेच महाराष्ट्र लोकसेवा आयोगामार्फत घेण्यात आलेल्या सहाय्यक सरकारी अभियोक्ता गट अ परीक्षेत देदीप्यमान यश मिळवले. याबद्दल समाजातील विविध क्षेत्रातील मान्यवरांनी त्यांचे अभिनंदन करून गौरव केलेला आहे.

        सोलापूर येथील विधी महाविद्यालयातून कायद्याची पदवी प्राप्त केली. तर कोल्हापूरच्या शिवाजी विद्यापीठातून डिपार्टमेंटल ऑफ लॉ पदवी संपादन केली. अत्यंत प्रतिकूल परिस्थितीमध्ये शिक्षण पूर्ण करून पुनम यांच्या जिद्दीला त्यांची आई कमल राजपूत,शिल्पा राजपूत यांनी प्रोत्साहन देण्याचे काम केले. दिग्विजय गहेरवार यांच्यासह सासरे भगतसिंह गहेरवार, (ता.वाशी.जि. धाराशिव) यांच्या मार्गदर्शनाखाली महाराष्ट्र लोकसेवा आयोगाच्या परीक्षेची तयारी केली.2022 च्या परीक्षेमध्ये सहाय्यक सरकारी अभियंता गट-अ पदाला पूनम अनिल सिंग राजपूत-गहेरवार यांनी यशाला गवसनी घातली आहे.

      या अभूतपूर्व यशाबद्दल मित्र-परिवारासह महाराणा प्रताप सिंह सार्वजनिक उत्सव समिती धाराशिव,शोभा चव्हाण, ग्रामपंचायत सदस्य उमेश देशमुख, भूषणजी देशमुख,सुनील आप्पा पाटील, डॉ.शशिकांत पाटील,यांनी त्यांच्या यशाबद्दल अभिनंदन करून गौरव केला आहे.