तुळजापूर तालुक्यातील मुर्टा येथे दोघांस मारहाण नळदुर्ग पोलीस ठाण्यामध्ये गुन्हा दाखल

तुळजापूर तालुक्यातील मुर्टा येथे दोघांस मारहाण नळदुर्ग पोलीस ठाण्यामध्ये गुन्हा दाखल

धाराशिव : तुळजापूर तालुक्यातील  मुर्टा येथे शेतीच्या वादाच्या बैठकीमध्ये शिवीगाळ का केली या कारणावरून दोघास बेदम मारहाण झाल्याची घटना दिनांक 18 सप्टेंबर रोजी घडली याप्रकरणी नळदुर्ग  पोलीस स्टेशनमध्ये गुन्हा दाखल करण्यात आला आहे .

याबाबत पोलिसांकडून मिळालेली सविस्तर माहिती अशी की कुमार भानुदास मोरे, प्रविण कुमार मोरे दोघे रा. मुर्टा, ता. तुळजापूर जि. धाराशिव, यांनी दि. 18 सप्टेंबर रोजी  आरोपीच्या घरासमोर मुर्टा येथे  प्रशांत सुधाकर चव्हाण, वय 31 वर्षे, रा. ब्राम्हणगल्ली, नळदुर्ग, ता. तुळजापूर जि. धाराशिव यांचे मामा बाळु किल्लेदार यांना शेतीच्या वादाच्या बैठकी मध्ये शिवीगाळ का केली असे प्रशांत चव्हाण व बंटी मुळे या दोघांनी नमुद आरोपीनां विचारल्याचा राग मनात धरुन  कुमार मोरे यांने फिर्यादीस शिवीगाळ करुन गच्चीस पकडले व आरोपी प्रविण यांने तुला तर आता जिवच मारतो असे म्हणून त्याचे हातातील जम्याने फिर्यादीचे डावे बरगडीवर वार केला. त्यावर बंटी मुळे हा भांडण सोडवण्यास आला असता त्यांनाही जिवे ठार मारण्याच्या उद्देशाने त्याचे पोटाचे डावे बाजूस जम्याने वार करुन गंभीर जखमी केले. अशा मजकुराच्या फिर्यादी प्रशांत चव्हाण यांनी दि.19.09.2023 रोजी दिलेल्या प्रथम खबरेवरुन नळदुर्ग पो. ठाणे येथे भा.दं.वि.सं. कलम- 307, 323, 504, 506, 34अन्वये गुन्हा नोंदवला आहे.

प्रतिनिधी रुपेश डोलारे धाराशिव