श्रीपतराव भोसले उच्च माध्यमिक विदयालयात यशवंत व गुणवंत विद्यार्थ्यांचा सत्कार संपन्न
धाराशिव: श्रीपतराव भोसले उच्च माध्यमिक विदयालयात जेईई मुख्य परीक्षेतील अँडव्हान्स साठी पात्र झालेल्या यशवंत व गुणवंत विदयार्थ्यांचा तसेच त्यांच्या पालकांचा सत्कार संस्थाध्यक्ष सुधीर अण्णा पाटील यांच्या हस्ते सोमवार दिनांक २१ रोजी करण्यात आला. गुणवंतामध्ये कुमारी विनिता दत्तात्रय कुलकर्णी हीस सरासरी ९९.५१ टक्के, कुमारी सोनिया महेश माळी हीस सरासरी ८९.१५ टक्के, कुमार शुभम तानाजी कांबळे यास सरासरी ६५.६५ टक्के गुण मिळाले आहेत.
या सत्कार प्रसंगी बोलताना संस्थाध्यक्ष श्री. सुधीर अण्णा पाटील सर म्हणाले की धाराशिव जिल्हयातील गुणवंत विदयार्थी १० वी नंतर लातूर, संभाजीनगर, हैद्राबाद, कोटा अशा ठिकाणी जेईई व एनईईटी (नीट) च्या तयारीसाठी जातात. यामुळे पालकांना आर्थिक नुकसान होते. पालकांचे आर्थिक नुकसान होऊ नये त्याच बरोबर विदयार्थ्यांना घरच्या वातावरणात तयारीसाठी जास्तीचा वेळ मिळावा, त्यांना योग्य अशा तज्ञ प्राध्यापकांकडून माफक फीसमध्ये मार्गदर्शन मिळावे हे उद्दिष्ट समोर ठेवून आदर्श शिक्षण प्रसारक मंडळाने जेईई, एनईईटी (नीट) परीक्षेसाठी श्रीपतराव भोसले उच्च माध्यमिक विदयालय येथे धाराशिव पॅटर्न तयार करण्यासाठी अजून एक सुवर्ण संधी 'फिजिक्सवाला' (पीडब्ल्यू) मार्फत एक भारतातील नामवंत क्लासेस कडून उपलब्ध करुन देण्यात आलेली आहे. यासाठी पीडब्ल्यूच्या वर्गखोल्या ह्या अद्यावत करण्यात आलेले आहेत. यामध्ये डिजिटल बोर्ड सुविधा, सर्व कॉलेज परिसर सीसीटीव्ही कक्षेत, ए.सी. वर्गखोल्या, लेक्चर रेकॉर्डिंग साठी कॅमेरे, पीडब्ल्यूचे ॲप, पीडब्ल्यू कीट, अदयावत स्टडी मटेरियल, सुसज्य ग्रंथालय व अभ्यासिका, डेली डाऊट सॉल्विंग सत्र अशा वेगवेगळ्या सुविधा देण्यात आलेल्या आहेत. पीडब्ल्यू क्लासेसची सुविधा इयत्ता ८ वी ते १२ वी साठी उपलब्ध आहेत. आपल्या मुलांच्या उज्वल भविष्यासाठी आत्तापासूनच पीडब्ल्यूचे वर्ग करण्याचे आवाहन संस्थाध्यक्ष श्री. सुधीर अण्णा पाटील यांनी केले.
या सत्कार समारंभासाठी संस्थाध्यक्ष श्री. सुधीर अण्णा पाटील, प्राचार्य श्री. एन. आर. नन्नवरे सर, उपप्राचार्य श्री. एस. के. घार्गे सर, उपमुख्याध्यापक श्री. प्रमोद कदम सर, पर्यवेक्षक श्री. एम. व्ही. शिंदे सर आदींची उपस्थिती होती. तसेच कॉलेजमधील प्रा. ए. व्ही. भगत सर, प्रा. एन. के. मोमीन सर, प्रा. श्री. एम. एन. शिंदे सर, प्रा. श्री. एस. एस. सदाफुले सर, प्रा. श्री. जे. एस. पाटील सर, प्रा. श्री. आर. जी. लोमटे सर, प्रा. श्री. एस. एल. तेली सर, प्रा. श्री. के. बी. मोहिते सर, श्री. मिश्रा सर यांची देखील उपस्थिती होती. संस्थेचे सीईओ श्री. आदित्य पाटील सर, सरचिटणीस सौ. प्रेमाताई पाटील, प्रशासकीय अधिकारी श्री. एस. एस. देशमुख सर यांनी सर्व गुणवंत विद्यार्थ्यांचे अभिनंदन केले. या कार्यक्रमाचे सूत्रसंचालन प्रा. श्री. एस के. कापसे सर यांनी केले.
0 Comments