धाराशिव तालुक्यातील येडशी ग्रामपंचायतीचा क्षयरोगमुक्त ग्रामपंचायत म्हणून कांस्यपदकाने गौरव
धाराशिव /प्रतिनिधी रुपेश डोलारे: धाराशिव तालुक्यातील 82 टीबी मुक्त ग्रामपंचायतींना तालुकास्तरावरून प्रशस्तीपत्रक व महात्मा गांधीजींचा पुतळा देऊन सन्मानित करण्यात आले. यामध्ये तालुक्यातील येडशी ग्रामपंचायतीला टीबी,(TB) मुक्त ग्रामपंचायत करण्यात यश आले आहे त्यामुळे ग्रामपंचायत चा जिल्हाधिकारी कार्यालयात(Collector Office) गौरव करण्यात आला आहे.
धाराशिव(-Dharashiv) तालुक्यातील 82 ग्रामपंचायतींना क्षयरोग मुक्त घोषित करण्यात आले यानिमित्ताने बुधवारी जिल्हा परिषदेमार्फत ह्या टीबी मुक्त ग्रामपंचायतींचा गौरव सोहळा जिल्हाधिकारी कार्यालयात पार पडला.
या कार्यक्रमाच्या अध्यक्षस्थानी डॉ. मारुती कोरे सर सहसंचालक कुष्ठरोग हे होते. डॉ. अभिजीत बनसोडे क्षयरोग अधिकारी, संतोष नलावडे गटविकास अधिकारी, डॉ. प्रमोद गिरी तालुका आरोग्य अधिकारी, डॉ. रमजान अली शेख जिल्हा क्षयरोग केंद्र अधिकारी आदी मान्यवरांच्या हस्ते प्रशस्तीपत्रक व महात्मा गांधीजींचा पुतळा देऊन सन्मानित सरपंचाचा (Sarpanch) गौरव करण्यात आला.
या 82 गावांमध्ये येडशी ग्रामपंचायतीचा ही समावेश आहे त्यानिमित्ताने येडशीच्या सरपंच सौ. सोनिया प्रशांत पवार यांचाही प्रशस्तीपत्रक व महात्मा गांधीजींचा पुतळा देऊन गौरव करण्यात आला.
या कार्यक्रमाचे मार्गदर्शक जिल्हा परिषदेचे मुख्य कार्यकारी अधिकारी डॉ. मैनाक घोष आणि डॉ. सतीश हरिदास जिल्हा आरोग्य अधिकारी यांनी केले. कार्यक्रमाची सुरुवात रॉबर्ट कॉक व महात्मा गांधीजी यांच्या प्रतिमेस पुष्पहार अर्पण व दीप प्रज्वलन करून झाली. त्यानंतर क्षयरोग जनजागृती प्रतिज्ञा घेण्यात आली. पंतप्रधान नरेंद्र मोदी यांनी 24 मार्च 2023 रोजी वाराणसी येथील जागतिक क्षयरोग दिनाच्या कार्यक्रमात ह्या टीबी मुक्त भारत अभियानाची घोषणा केली होती. त्यानुसार 1 जानेवारी 2024 ते 31 डिसेंबर 2024 या कालावधीत क्षयरोग मुक्त गाव माझी जबाबदारी, या संकल्पने अंतर्गत तालुक्यातील ग्रामपंचायतीमध्ये संशयित क्षय रुग्णाचा शोध, जनजागृती, थुंकी नमुन्याची तपासणी आदी उपक्रम राबविण्यात आले.
यावेळी गटविकास अधिकारी संतोष नलावडे यांनी क्षय रुग्णांना पोषण आहार किट देण्यासाठी वैयक्तिक लक्ष देण्याची ग्वाही दिली. डॉ. अभिजीत बनसोडे यांनी सर्व सरपंचांना निक्षय मित्र होण्याचे आवाहन केले. डॉ. प्रमोद गिरी यांनी फूड बास्केट च्या महत्वावर प्रकाश टाकून पुढील वर्षी तालुक्यातील शंभर टक्के ग्रामपंचायती पात्र ठरतील असा विश्वास व्यक्त केला. कार्यक्रमाचे सूत्रसंचालन संध्या द्वासे यांनी केले व आभार डॉ. प्रमोद गिरी यांनी मानले.
क्षयरोग मुक्त येडशी(Yedshi) ग्रामपंचायत अभियानाच्या यशस्वीतेसाठी तालुका आरोग्य अधिकारी डॉ. गिरी सर, तानाजी क्षीरसागर, दीपक व्हटकर, सचिन तटाळे, अमोल साळुंखे, संजय माने, अमित गाडे, राजेंद्र पवार, दीपक जाधव,चैताली पवार, स्नेहा पेठे तसेच गटप्रवर्तक प्रमिला पवार आशा कार्यकर्त्या,अंगणवाडी कार्यकर्त्या यांच्या सर्वांच्या सहकार्यामुळे हा पुरस्कार येडशीला मिळाला म्हणून येडशीच्या सरपंच सौ.सोनिया प्रशांत पवार यांनी सर्वांचे आभार मानून, येडशीतील सर्व ग्रामस्य,सर्व आरोग्य अधिकारी, सर्व अरोग्य कमचारी आपणा सर्वाच्या प्रयत्न आणि सहकार्यातून, पुढील वर्षी येडशीला कुष्ठरोग मुक्त ग्रामपंचायतीचे सुवर्णपदक मिळणे हा येडशी गावासाठी खुप महत्त्वपूर्ण टप्पा असेल, त्या साठी आपण सर्वजन सर्वोतोपरी प्रयत्न करू असे मत व्यक्त करून, सर्व क्षयरोग आरोग्य अधिकारी, आरोग्य कर्मचारी, आशा कार्यकर्त्या व अंगणवाडी कार्यकर्तिना पुढील वाटचालीसाठी शुभेच्या दिल्या.
0 Comments