इटकळ मध्ये अवैध धंदे खुलेआम सुरू, ग्रामस्थांच्या निवेदनाला प्रशासनाकडून केराची टोपली-
धाराशिव /प्रतिनिधी रूपेश डोलारे : मौजे इटकळ (ता. तुळजापूर, जि. धाराशिव) येथील नागरिकांनी गावातील वाढत्या अवैध धंद्यांविरोधात आवाज उठवत पोलीस प्रशासनाकडे निवेदनाद्वारे तात्काळ कारवाईची मागणी मागील चार महिन्यापूर्वी केली होती मात्र या निवेदनावर कोणत्याही प्रकारची कारवाई झाली नाही; प्रशासनाने या निवेदनाला केराची टोपी दाखवली आहे . त्यामुळे राजरोसपणे इटकळ परिसरात अवैध धंदे जोरात सुरू आहोत.
एकंदरीत राजरोस दारू विक्रीचे प्रकार, गांजा–अफूचे सेवन, तसेच मटका यांसारखे अवैध अमली पदार्थांचे धंदे दिवसेंदिवस वाढत चालल्याने ग्रामस्थांमध्ये प्रचंड संताप निर्माण झाला आहे.
नागरिकांनी दिलेल्या निवेदनात आहे म्हटले आहे की, तुळजापूर–गाणगापुर महामार्गावरून दररोज हजारो भाविकांची ये–जा असते. या मार्गावर दारू पिऊन व अमली पदार्थांच्या प्रभावाखाली गोंधळ घालणाऱ्या व्यक्तींमुळे वातावरण दूषित होत असून स्त्रिया, मुली आणि शाळेत जाणाऱ्या विद्यार्थ्यांना मोठा त्रास सहन करावा लागतो.ग्रामस्थांच्या म्हणण्यानुसार, या अवैध धंद्यांकडे स्थानिक पोलीस यंत्रणेने दुर्लक्ष केल्याचा आरोपही करण्यात आला आहे. योग्य देखरेख नसल्याने अशा बेकायदेशीर क्रियाकलापांना अधिकच चालना मिळत असल्याचे नागरिकांचे मत आहे.
इटकळ गावातील शांती, सुव्यवस्था आणि सुरक्षिततेचा प्रश्न धोक्यात येऊ नये म्हणून नागरिकांनी पोलीस अधीक्षक, धाराशिव यांना निवेदन देत तात्काळ चौकशी करून कठोर कारवाई करण्याची मागणी केली होती. मात्र निवेदन देऊन चार महिने उलटले तरी कसल्याही प्रकारचे अवैध धंदे चालकावर कारवाई झाली नाही यामुळे ग्रामस्थांमधून तीव्र संताप व्यक्त केला जात आहे.
0 Comments