बसवंतवाडी शिवारात भरधाव कारची दुचाकीला पाठीमागून धडक; एकाचा मृत्यू, एक गंभीर जखमी-Breaking News Accident in Tuljapur -Naldurg Road Accident 
अपघातानंतर नळदुर्ग पोलीस ठाण्यात गुन्हा दाखल
धाराशिव | प्रतिनिधी
तुळजापूर तालुक्यातील नळदुर्ग परिसरात झालेल्या भीषण रस्ते अपघातात एका व्यक्तीचा मृत्यू झाला असून एक जण गंभीर जखमी झाला आहे. या प्रकरणी कार चालकाविरोधात नळदुर्ग पोलीस ठाण्यात गुन्हा नोंद करण्यात आला आहे.
पोलीसांकडून मिळालेल्या माहितीनुसार, फिर्यादी शिवशंकर बाबुराव देडे (वय 31, रा. साठेनगर, नळदुर्ग) हे दि. 27 मे 2026 रोजी सायंकाळी सुमारे 7.30 वाजण्याच्या सुमारास मयत किशोर कोंडीबा बनसोडे (वय 42, रा. भीमनगर, नळदुर्ग) यांच्यासह एमएच 25 बीएच 5937 क्रमांकाच्या मोटरसायकलवरून प्रवास करत होते.
दरम्यान, एनएच-652 मार्गावरील बसवंतवाडी शिवारात त्यांच्या दुचाकीला मागून येणाऱ्या एमएच 25 झेड 3000 क्रमांकाच्या कारने जोरदार धडक दिली. कार चालकाने वाहन भरधाव आणि निष्काळजीपणे चालविल्याचा आरोप फिर्यादीत करण्यात आला आहे.
या धडकेत किशोर बनसोडे हे गंभीर जखमी झाले. उपचारादरम्यान त्यांचा मृत्यू झाला. तर शिवशंकर देडे हे देखील गंभीर जखमी झाले असून त्यांच्यावर उपचार सुरू असल्याची माहिती आहे.
या घटनेप्रकरणी फिर्यादी शिवशंकर देडे यांनी दि. 13 जून 2026 रोजी दिलेल्या प्रथम खबरीवरून आरोपी अजिम करीम शेख (रा. उमरगा, ता. उमरगा, जि. धाराशिव) याच्याविरोधात भारतीय न्याय संहिता कलम 106(1), 125(अ)(ब), 281 तसेच मोटार वाहन कायदा कलम 184, 134(अ)(ब) अन्वये नळदुर्ग पोलीस ठाण्यात गुन्हा दाखल करण्यात आला आहे.या प्रकरणाचा पुढील तपास नळदुर्ग पोलीस करत आहेत.
0 Comments