खंडाळा पाटीजवळ भरधाव कारची पादचाऱ्यास धडक; ज्येष्ठ नागरिकाचा मृत्यू, चालकाविरुद्ध गुन्हा दाखल-
तुळजापूर, दि. २५ :
तुळजापूर–लातूर राष्ट्रीय महामार्ग क्रमांक ३६१ वर खंडाळा पाटी परिसरात झालेल्या भीषण अपघातात ७० वर्षीय ज्येष्ठ नागरिकाचा मृत्यू झाल्याची घटना समोर आली आहे. या प्रकरणी कार चालकाविरुद्ध तुळजापूर पोलीस ठाण्यात गुन्हा दाखल करण्यात आला आहे.
पोलीसांकडून मिळालेल्या माहितीनुसार, मयत रावसाहेब पंढरी पांडागळे (वय ७०, रा. खंडाळा, ता. तुळजापूर, जि. धाराशिव) हे दि. २३ मे २०२६ रोजी सायंकाळी सुमारे ५.३० वाजण्याच्या सुमारास तुळजापूर–लातूर रोडवरील एनएच ३६१ मार्गावर खंडाळा पाटी परिसरात पायी जात होते. त्यावेळी भरधाव वेगाने आलेल्या कारने त्यांना जोरदार धडक दिली.
या अपघातातील आरोपी चालकाचे नाव शुभम भरत पवार (वय २५, रा. गौरतांडा, ता. निलंगा, जि. लातूर) असे असून तो एमएच २४ एएस ९०१२ क्रमांकाची चारचाकी चालवत होता. वाहन निष्काळजीपणे व वेगाने चालवल्यामुळे हा अपघात झाल्याचा आरोप करण्यात आला आहे.
अपघातात रावसाहेब पांडागळे यांना गंभीर दुखापत झाली. उपचारापूर्वीच त्यांचा मृत्यू झाल्याचे सांगण्यात आले. या घटनेमुळे परिसरात हळहळ व्यक्त होत आहे.
याप्रकरणी मयताचे पुत्र इंद्रजीत रावसाहेब पांडागळे (वय ३४, रा. खंडाळा) यांनी दिलेल्या फिर्यादीवरून तुळजापूर पोलीस ठाण्यात दि. २३ जून २०२६ रोजी गुन्हा दाखल करण्यात आला आहे.
पोलीसांनी आरोपी चालकाविरुद्ध भारतीय न्याय संहिता (BNS) कलम १०६, १२५(अ), १२५(ब), २८१ तसेच मोटार वाहन कायदा कलम १८४ अन्वये गुन्हा नोंदवून पुढील तपास सुरू केला आहे.
0 Comments