बार अँड रेस्टॉरंट मधील वेश्याव्यवसायाचा पर्दाफाश, पाच महिलांची सुटका, चालकासह तिघांना अटक, एकजण फरार! उमरगा पोलिसांची कारवाई
धाराशिव: उमरगा तालुक्यातील जकेकुर चौरस्ता औद्योगिक वसाहत येथे बुधवारी दिनांक 13 रोजी रात्री बार अँड रेस्टॉरंट मध्ये धाड टाकून पोलिसांनी वेश्या व्यवसायाचा पडदा पास केला. याप्रकरणी उमरगा पोलीस ठाण्यात रेस्टॉरंट चालकासह चार जणांविरुद्ध गुन्हा नोंद करण्यात आला आहे यापैकी तीन जणांना पोलिसांनी अटक केली तर अन्य एक जण फरार असल्याचे पोलिसांनी सांगितले.
याबाबत पोलिसांकडून मिळाली सविस्तर माहिती अशी की, उपविभागीय पोलीस अधिकारी रमेश बरकते यांना जकेकुर चौरस त्यालगत असलेल्या कुर एमआयडीसी मधील रोहन बार अँड रेस्टॉरंट मध्ये वेश्याव्यवसाय सुरू असल्याची गुप्त माहिती समजली होती. त्या अनुषंगाने त्यांनी पोलीस निरीक्षक डीबी पारेकर यांच्या सह कारवाईसाठी पथक तयार केले. बनावट ग्राहक पाठवून पोलिसांनी बुधवारी रात्री या बार अँड रेस्टॉरंट मध्ये छापा टाकला यावेळी आरोपी शिलरत्न माधव गायकवाड, वय 22 वर्षे, रा. गुंजोटी, ता. उमरगा जि. उस्मानाबाद, 2) जयदिप सोनकवडे रा. ढेरे गल्ल उमरगा जि. उस्मानाबाद, 3) राहुल मल्लीनाथ पुरातले वय 24 वर्षे, 4) अजय ज्ञानेश्वर कांबळे, वय 23 वर्षे, दोघे रा. भिमनगर उमरगा जि. उस्मानाबाद यांनी संगणमत करुन स्वताच्या आर्थिक फायद्यासाठी दि.13 रोजी जकेकुर एम.आय. डी. सी. येथील रोहन बार ॲन्ड रेस्टॅरंट येथील वरच्या मजल्यावर रुममध्ये 5 महिलांना वाणिज्यिक प्रयोजनाकरीता आश्रय देउन त्यांना ग्राहकांचे मागणी प्रमाणे लैंगीक समागमनाकरीता करीता पराववृत्त करुन त्यांना वैश्या व्यवसाय करण्यास भाग पाडून त्यांच्यावरती उपजिवीका करीत असताना मिळून आले. यावरुन पोलीसांनी छापा कारवाई करुन यातील पिडीत महिलांची सुटका करुन सरकारतर्फे दिलेल्या प्रथम खबरेवरुन नमूद व्यक्तींविरुध्द भा.द.स. कलम 370,370(अ)(2),सह अनैतिक मानवी वाहतुक व व्यापार प्रतिबंध अधिनियम कलम 3, 4, 5 अंतर्गत उमरगा पो.ठा. येथे गुन्हा नोंदवला आहे. याचबरोबर जकेकुर एमआयडीसी परिसरात अन्य अवैध व्यवसाय जोमात सुरू असल्यास चर्चा नागरिकात सुरू आहे.
0 Comments