तुळजापुर येथे १९ आक्टोंबरला नवदुर्गा : जागर स्त्री शक्तीचा

तुळजापुर येथे १९ आक्टोंबरला नवदुर्गा : जागर स्त्री शक्तीचा
नवरात्रीच्या पार्श्वभूमीवर महिलांसाठी विशेष सांस्कृतिक कार्यक्रम

धाराशिव,दि.१९ : नवरात्रीच्या निमित्ताने सांस्कृतिक कार्य संचालनालयाच्या वतीने राज्यात 10 ठिकाणी नवदुर्गा : जागर स्त्री शक्तीचा या सांस्कृतिक कार्यक्रमातून राज्य शासनाच्या महिलांविषयक योजनांची माहिती देण्यासाठी गुरुवारी, 19 आक्टोंबर, 2023 रोजी तुळजापुर येथील शिवपार्वती मंगल कार्यालय,धाकटे तुळजापूर रोड, तुळजापूर येथे सायंकाळी 4 ते 6 या वेळेत सांस्कृतिक कार्यक्रमाचे आयोजन करण्यात आले आहे.या कार्यक्रमाची संकल्पना श्री.सुधीर मुनगंटीवार,मंत्री,सांस्कृतिक कार्य यांची असून,या कार्यक्रमास मार्गदर्शन  श्री.विकास खारगे,मुख्यमंत्री यांचे प्रधान सचिव तथा  प्रधान सचिव, सांस्कृतिक कार्य विभाग यांच्या मार्गदर्शनाखाली या कार्यक्रमाचे आयोजन होत आहे. 

दिनांक 18 ते 23 आक्टोंबर 2023 या कालावधीत महाराष्ट्राच्या 06 महसुली विभागीय आयुक्तालयाच्या ठिकाणी (मुंबई, पुणे, नाशिक, छ.संभाजीनगर, अमरावती व नागूपर ) तसेच साडेतीन शक्तीपिठांच्या ठिकाणी  (कोल्हापूर, तुळजापूर, माहूर,वणी ) नवरात्रीच्या पार्श्वभूमीवर सांस्कृतिक कार्यक्रमातून राज्य शासनाच्या महिलांविषयक योजनांची माहिती देणारा विशेष सांस्कृतिक कार्यक्रमाचे आयोजन करण्यात आलेले आहे. 

19 आक्टोंबर, 2023 रोजी तुळजापुर येथील शिवपार्वती मंगल कार्यालय,धाकटे तुळजापूर रोड, तुळजापूर येथे सायंकाळी 4 ते 6 या वेळेत नवदुर्गा : जागर स्त्री शक्तीचा या सांस्कृतिक कार्यक्रमातून राज्य शासनाच्या महिलांविषयक योजनांची माहिती देणाऱ्या कार्यक्रमाचे आयोजन करण्यात आलेले आहे.या कार्यक्रमासाठी  पालकमंत्री तथा सार्वजनिक आरोग्यमंत्री प्रा.डॉ.श्री. तानाजी सावंत,खासदार श्री. ओमप्रकाश राजेनिंबाळकर,आमदार श्री.राणा जगजितसिंह हे उपस्थित राहणार आहेत.  

हा कार्यक्रम रसिकांसाठी विनामूल्य आहे.तरी रसिक प्रेक्षकांनी नवदुर्गा : जागर स्त्री शक्तीचा या सांस्कृतिक कार्यक्रमातून राज्य शासनाच्या महिलांविषयक योजनांची माहिती देणाऱ्या समारंभास जास्तीत जास्त संख्येने उपस्थित राहून उत्स्फूर्त प्रतिसाद द्यावा,असे आवाहन श्री. बिभीषण चवरे,संचालक,सांस्कृतिक कार्य यांनी केले आहे.