धाराशिव : शैक्षणिक वर्ष 2023-24 अनुसूचित जमाती विद्यार्थ्यांना शिष्यवृत्ती योजना

धाराशिव : शैक्षणिक वर्ष 2023-24 अनुसूचित जमाती विद्यार्थ्यांना शिष्यवृत्ती योजना 

धाराशिव,दि.२३ : आदिवासी विकास विभागाअंतर्गत एकात्मिक आदिवासी विकास प्रकल्प कार्यालय सोलापूर अधिनस्त असलेल्या धाराशिव जिल्ह्यातील महाविद्यालयात शिक्षण घेत असलेल्या अनुसूचित जमातीच्या विद्यार्थ्यांना भारत सरकार मॅट्रीकोत्तर शिष्यवृत्ती योजना, अनुसूचित जमातीच्या विद्यार्थ्यांना शिक्षण व परीक्षा शुल्क (फ्रिशीप) शिष्यवृत्ती योजना,राज्यातील शासन मान्यताप्राप्त खाजगी विनाअनुदानित व कायम विनाअनुदानित शिक्षण संस्थामधील व्यावसायिक अभ्यासक्रमासाठी प्रवेश घेणाऱ्या अनुसूचित जमातीच्या विद्यार्थ्यांच्या शैक्षणिक शुल्काच्या प्रतिपूर्तीच्या योजनेसाठी सन 2023-24 या शैक्षणिक वर्षासाठी शिष्यवृत्ती अर्ज करण्याची प्रक्रिया सुरु आहे.

   ्जिल्ह्यातील जास्तीत जास्त विद्यार्थ्यांनी या योजनेचा लाभ घ्यावा.तसेच विद्यार्थ्यांनी शिष्यवृत्तीचा अर्ज परिपूर्ण व मूळ कागदपत्रासह भरण्यासाठी https://mahadbt.maharashtra.gov.in या संकेतस्थळाला भेट द्यावी.असे आवाहन सोलापूर एकात्मिक आदिवासी विकास प्रकल्पाचे प्रकल्प अधिकारी बळवंत गायकवाड यांनी केले आहे.