चिवरी येथील मुक्ताबाई सारणे यांना कवयित्री बहिणाबाई चौधरी राज्यस्तरीय पुरस्कार जाहीर

चिवरी येथील मुक्ताबाई सारणे यांना कवयित्री बहिणाबाई चौधरी राज्यस्तरीय पुरस्कार जाहीर 

---------------------------------------------------------

चिवरी : कै तुकाराम एकनाथ काळुंके बाभळगावकर यांच्या सहाव्या पुण्यस्मरणानिमित्त संत तुकाराम सामाजिक संस्था बाभळगाव व ग्लोबल व्हिलेज कला विज्ञान व वाणिज्य महाविद्यालय बोरामणी यांच्या संयुक्त विद्यमाने चिवरी येथील कवयित्री मुक्ताबाई सारणे यांना कवयित्री बहिणाबाई चौधरी राज्यस्तरीय पुरस्कार जाहीर झाला आहे.

शनिवार २५ नोव्हेंबर रोजी इटकळ येथील साई मंगल कार्यालय येथे दुपारी २ वाजता  महाराष्ट्र राज्याचे माजी कॅबिनेट मंत्री मा मधुकरराव चव्हाण जेष्ठ साहित्यिक,कवी व विचारवंत योगीराज माने, महाराष्ट्र राज्य पोलीस तक्रार प्राधिकरण मुंबईचे सदस्य उमाकांत मिटकर,शिक्षण प्रसारक मंडळाचे सचिव रामचंद्र आलुरे, जवाहर महाविद्यालयाचे प्राचार्य डॉ उमाकांत चनशेट्टी, नळदुर्ग पोलीस ठाण्याचे सपोनी स्वप्नील लोखंडे, सेवानिवृत्त प्राचार्य प्रा संगमेश्वर जळकोटे, नळदुर्ग येथील कवयित्री कविता पुदाले यांच्या प्रमुख उपस्थितीत हा पुरस्कार सोहळा संपन्न होणार आहे असे आयोजक संत तुकाराम सामाजिक संस्थेचे अध्यक्ष दयानंद काळुंके, ग्लोबल व्हिलेज कला विज्ञान वाणिज्य महाविद्यालयाच्या सचिवा संगीता शहा, चनशेट्टी, उपाध्यक्ष प्रा अनिकेत चनशेट्टी,संत तुकाराम सामाजिक संस्थेचे सचिव विलास काळुंके यांनी कळविले आहे.