तुळजापुर शहरातील महाविकास आघाडीच्या वतीने नगर परिषदेचे मुख्याधिकारी यांना विविध मागण्याचे निवेदन

तुळजापुर शहरातील महाविकास आघाडीच्या वतीने नगर परिषदेचे मुख्याधिकारी यांना विविध मागण्याचे निवेदन

तुळजापुर : शहरातील महाविकास आघाडीच्या वतीने नगर परिषदेचे मुख्याधिकारी यांना विविध मागण्याचे निवेदन   दि,२० रोजी तुळजापूर नगर परिषद चे मुख्य कार्यकारी अधिकारी कुंभार यांच्याकडे महाविकास आघाडीच्या वतीने खालील मागण्याचे निवेदन देऊन आंदोलन करण्याचा इशारा देण्यात आला .

 या निवेदनात असे म्हटले आहे की, दोन दिवस आड पाणीपुरवठा करण्यासंदर्भात मुख्याधिकारी यांनी काही दिवसापूर्वी आदेश देण्यात आलेले आहेत परंतु तुळजापूर हे तीर्थक्षेत्र असल्यामुळे या ठिकाणी परराज्यातून अनेक भाविक भक्त दर्शनासाठी सतत येत असतात पाणीपुरवठा दोन दिवस आड केल्यास भाविक भक्तांचे मोठ्या प्रमाणावर हाल होणार आहेत तर या निर्णयाचा पुनर्विचार व्हावा. त्याचबरोबर आपण दोन दिवसाआड पाणीपुरवठा करणारा असाल तर या काळातील पाणीपट्टी ही कमी करावी लागेल.

तुळजापूर शहरांमध्ये जेवढे बोरवेल असतील ते नगरपालिकेच्या वतीने दुरुस्त करण्यात येऊन पाणीपुरवठा करण्याची व्यवस्था करण्यात यावी. तुळजापूर नगरपालिकेच्या वतीने स्वच्छता कर्मचारी किती आहेत.याची यादी देण्यात यावी अशी मागणी करण्यात आली. या मागण्या पूर्ण न झाल्यास महाविकास आघाडीच्या वतीने तीव्र आंदोलन करण्यात येणार असल्याचा इशारा देण्यात आला. 

यावेळी श्याम काका पवार, ऋषिकेश भैय्या मगर,जनसेवक अमोल भैया कुतवळ, नगरसेवक रणजीत भैय्या इंगळे,संदीप बंटी गंगणे, नगरसेवक सुनील  रोचकरी, अमर नाना चोपदार, शेतकरी कामगार पक्षाचे नगरसेवक राहुल भैया खपले, तोफिक शेख,आनंद जगताप, युवक काँग्रेसचे तालुकाध्यक्ष अभिजीत कदम,करण साळुंखे,सुदर्शन वाघमारे, मकसूद शेख,शरद जगदाळे, औदुंबर करंडे यासह मोठ्या प्रमाणात महाविकास आघाडीचे कार्यकर्ते व नेते उपस्थित होते.