भोसले कॉलेजच्या राष्ट्रीय सेवा योजना विशेष हिवाळी शिबीराचे उदघाटन

भोसले कॉलेजच्या राष्ट्रीय सेवा योजना विशेष हिवाळी शिबीराचे उदघाटन

धाराशिव : येथील श्रीपतराव भोसले ज्यु.कॉलेज, धाराशिव मधील राष्ट्रीय सेवा योजना विभागाच्या वतीने मौजे. दारफळ ता.जि. धाराशिव येथे आयोजित विशेष श्रमसंस्कार शिबीरास प्रारंभ झाला. हे शिबीर आज दि. 04/01/2024  ते 10/01/24 या कालावधीत संपन्न होणार आहे.

  या शिबीराचे उद्घाटन गावचे सामाजिक कार्यकर्ते श्री. धर्मराज जाधव यांच्या हस्ते झाले. कार्यक्रमाची सुरुवात राष्ट्रपिता महात्मा गांधी यांच्या प्रतिमा पूजनाने झाली. शिबीराच्या उदघाटन प्रसंगी महाविद्यालयातील कला व वाणिज्य विभाग प्रमुख श्री. एन. आर. नन्नवरे सर यांनी शिबीरातील विद्यार्थी व गावकरी यांना श्रमदानाचे महत्त्व सांगितले. तसेच

या शिबीर कालावधीत ग्राम स्वच्छता, रस्ते स्वच्छता, गाजर गवत निर्मुलन, वृक्षारोपन, शोषखड्डे, गटार दुरुस्ती, मंदिर सफ़ाई, एड्स जनजागृती, बालविवाह प्रतिबंधक जनजागृती, अंधश्रद्धा निर्मुलन व विविध विषयावरील व्याख्याने इत्यादी उपक्रम राबवण्यात येणार असल्याची माहिती त्यांनी दिली.

 या शिबीराच्या उद्घाटनासाठी अध्यक्ष म्हणून श्री. धर्मराज जाधव, प्रतिष्ठित नागरिक व सामाजिक कार्यकर्ते, दारफळ हे उपस्थित होते. या कार्यक्रमासाठी प्रमुख पाहुणे म्हणून गावचे पोलिस पाटील श्री. सचिन जाधव, ॲड. तोफिक शेख यांची उपस्थिती लाभली. तसेच जिल्हा प्राथमिक शाळा, दारफळ येथील शिक्षक श्री. मोरे सर, श्री. बोरके सर, श्री. सावंत सर, सौ. करडे मॅडम, सौ. कापसे मॅडम, सौ. गोरकर मॅडम, तसेच राष्ट्रीय सेवा योजनेचे सहकार्यक्रमाधिकारी सौ. जाधव एस. एल. मॅडम, सहकार्यक्रमाधिकारी श्री. मोहिते के. बी. सर आदींची प्रमुख उपस्थिती होती. कार्यक्रमाचे सुत्रसंचालन प्रा. श्री. घोडके डी. वाय. सर तर आभार  राष्ट्रीय सेवा योजनेचे कार्यक्रमाधिकारी प्रा. पाटील शरद सर यांनी मानले. या शिबिरासाठी कॉलेजचे प्राचार्य श्री. एस.एस. देशमुख सर, उपप्राचार्य श्री. एस. के. घार्गे सर, प्रशासकीय अधिकारी श्री. आदित्य पाटील सर, दारफळ गावचे सरपंच श्री. रवींद्र जाधव यांनी शुभेच्छा दिल्या.