पाच गोळ्या घालून अभियंता प्रेयसीचा खून ,लॉजमधील धक्कादायक घटना परिसरात खळबळ
पुणे : लखनऊ येथून आलेल्या प्रियकराने आयटी कंपनीत काम करणारे अभियंता प्रेयसीची पाच गोळ्या घालून निग्रहण हत्या केली. हा धक्कादायक प्रकार रविवारी सकाळी साडेसातच्या सुमारास हिंजवडीलगतच्या मारुजी येथील हॉटेल एलिगंट आयो टाऊन हाऊस मध्ये उघडतेस आला. हिंजवडी पोलिसांनी आरोपी प्रियकराला अटक केली आहे.
वंदना के द्विवेदी (२६,रा हिंजवडी मुळगाव उत्तर प्रदेश) असे खून करण्यात झालेल्या तरुणीचे नाव आहे. ऋषभ रमेश निगम वय 30 राहणार उत्तर प्रदेश असे ताब्यात घेतलेल्या तरुणाचे नाव आहे. याबाबत पोलिसाकडून मिळाली सविस्तर माहिती अशी की आरोपी हा लखनऊ येथील रहिवासी आहे आरोपी आणि वंदना यांची लखनऊ येथे ओळख झाली होती. मागील काही वर्षापासून त्यांच्यात प्रेम संबंध होते. वंदना हिंजवडीत एका आयटी कंपनीत नोकरीला होते, 25 जानेवारी रोजी रात्री पावणेदहाच्या सुमारास त्यांनी लक्ष्मी चौक मारुंजी येथील लॉज मध्ये रूम घेतली होती. त्या ठिकाणी त्यांच्यात वाद झाले त्यानंतर रात्री उशिरा आरोपीने वंदना हिच्यावर गोळ्या झाडल्या. यामध्ये तिचा मृत्यू झाला. हल्ल्यानंतर आरोपी पळून गेला या घटनेची माहिती मिळताच हिंजवडी पोलीस सह गुन्हे शाखेचे पोलीस घटनास्थळी दाखल झाले.
मॅनेजर कडे असलेल्या मास्टर चावीने पोलिसांनी खोलीचे कुलूप उघडले. त्यावेळी वंदना चा मृतदेह रक्ताच्या थारोळ्यात पडला होता, दरम्यान मुंबई पोलिसांनी पळून जाणाऱ्या आरोपीला ताब्यात घेतले आहे. या घटनेमुळे परिसरात एकच खळबळ उडाली आहे हिंजवडी पोलीस पुढील तपास करीत आहेत.
हिंजवडी पोलिसांना खबरच नाही !
तब्बल पाच गोळ्या घालून तरुणचा खून करण्यात आला मात्र लॉज आणि हिंजवडी पोलिसांना याची कानो कान खबर नसल्याने आश्चर्य व्यक्त होत आहे खून केल्यानंतर आरोपी अतिशय शांतपणे निघून जात असल्याचे सीसीटीव्हीत कैद झाली आहे आरोपी बाहेर पडल्यानंतर मुंबईच्या दिशेने निघाला मुंबईला जात असताना नवी मुंबई पोलिसांना खबरेमार्फत माहिती मिळाली त्यानुसार नवी मुंबई पोलिसांनी त्याला मुंबई इथून ताब्यात घेतले त्याच्याकडे चौकशी केली असता त्याने प्रेयसी वंदना हिचा खून केल्याचे समोर आले त्यानंतर पोलिसांनी हिंजवडी पोलिसांना कळवले आणि हा प्रकार उघडकीस आला.
0 Comments