तुळजापूर - (प्रतिनिधी) ३१ : नोव्हेबर रोजी होणाऱ्या महाराष्ट्राच्या विधानसभेच्या निवडणुकीत तुळजापूर विधानसभा मतदारसंघात महाविकास आघाडीत सध्या बिघाडी असून यामुळे महाविकास आघाडीतील मित्रपक्ष आम आदमी पार्टीचे जिल्हा उपाध्यक्ष मधुकर शेळके यांनी सध्या तर आपल्या पक्षाची तटस्थ भूमिका घेतली आहे.
उमेदवारी अर्ज मागे घेण्याची ४ नोव्हेंबर रोजी अंतिम मुदत असून यानंतर महाविकास आघडीचा कोण उमेदवार राहील याकडे सर्वांचे लक्ष लागून आहे. मागील लोकसभा निवडणुकीत महाविकास आघाडीचे शिवसेनेचे उमेदवार ओमराजे निंबाळकर यांना निवडून आणण्यासाठी जिल्ह्यातील आम आदमी पार्टीचा मोठा सिंहाचा वाटा आहे. पण विधानसभा निवडणुकीत महाविकास आघाडीचे उमेदवार यांनी तालुक्यातील मित्र पक्षाला अद्याप तर मान सन्मान दिला नाही तसेच उमेदवारी अर्ज दाखल करताना आमच्या पक्षाचा विचार केला नाही तसेच पोस्टर बॅनर वर आमचे वरिष्ठ नेते राष्ट्रीय अध्यक्ष श्री अरविंद केजरीवाल यांचा फोटो सुद्धा लावत नाहीत यामुळे आम्हाला विचार करण्याची गरज आहे. लवकरच जिल्ह्यातील पक्षाची बैठक घेऊन आम आदमी पार्टी आपली भूमिका स्पष्ट करेल महाविकास आघाडी मध्ये जिल्हा तील सर्व उमेदवारांना बदल असे मधुकर भैय्या शेळके यांनी आपली प्रतिक्रिया दिली.
0 Comments