प्रेमविवाहाचा हृदयद्रावक शेवट, पत्नीने पतीच्या डोक्यात दंडुक्याचा प्रहार करून केला खून

प्रेमविवाहाचा हृदयद्रावक शेवट, पत्नीने पतीच्या डोक्यात दंडुक्याचा प्रहार करून केला खून 

अन् पत्नीनं कॉल करून स्वतः पोलिसांना कळवलं

दक्षिण सोलापूर तालुक्यातील घटना 

सोलापूर: पंधरा वर्षांपूर्वी प्रेम विवाह झालेल्या पती-पत्नीतील भांडण विकोपाला गेलं त्यातून पत्नीने डोक्यात जोरदार प्रहार केल्याने पतीचा मृत्यू झाल्याची धक्कादायक घटना दक्षिण सोलापूर तालुक्यातील तांदुळवाडी येथे गुरुवारी दुपारच्या सुमारास घडली.धुळप्पा नंदकुमार हेले वय (३५) रा. तांदुळवाडी असे मृत्यू पावलेल्या पतीचे नाव आहे. याप्रकरणी पत्नी प्रगती धुळप्पा हेले हिने स्वतः याबाबत धक्कादायक म्हणजे चक्क स्वतः पत्नीने पोलिसांना झाल्या प्रकाराची माहिती दिली दरम्यान तालुका पोलीस ठाण्याचे पोलीस निरीक्षक राहुल देशपांडे पोलीस नाईक यांनी घटनास्थळी भेट दिली. रक्त बंबाळ अवस्थेत धुळप्पा  हेले  यास शासकीय रुग्णालयात दाखल करण्यात आले. येथे डॉक्टरांनी तपासणी केली असता त्यांचा उपचारा पूर्वीच मृत्यू झाल्याचे घोषित केले.प्रेमविवाहाचा हा भयंकर शेवट पाहून परिसरात एकच खळबळ उडाली आहे. सोलापूर तालुका पोलीस ठाण्यात  खुनाचा गुन्हा नोंद करण्यात आला. 

आई लग्नासाठी गेली होती कुंभारीला

मयत धुळाप्पा हेले याची आई नातेवाईकांचे लग्न असल्याने कुंभारी ला गेली होती सकाळपासूनच धुळाप्पा आणि पत्नीचे भांडण सुरू होते. प्रगतीच्या माहेरकडील लोकही घरी आली होती असे सांगण्यात येत आहे धुळापाच्या डोक्यात लाकडासारख्या वस्तूने जोराचा प्रहार झाल्याने रक्तबंबळ अवस्थेत धुळप्पा  घरामध्ये बेशुद्ध होऊन पडल्याचे चित्र पाहायला मिळाल्याचे मैताचा चुलत भाचा श्रीकांत बोरगावकर यांनी सांगितले

... अन पत्नीने केला पोलिसांना कॉल

हा प्रकार दुपारी बाराच्या सुमारास घडला असावा प्रत्यक्षात पत्नीने स्वतःहून 100 क्रमांकावर डायल करून झाल्या घटनेची माहिती स्वतः पोलिसांना दिल्याने तातडीने चक्री फिरवली यांनी सोलापूर तालुका पोलीस ठाण्याचे पोलीस निरीक्षक राहुल देशपांडे यांच्यासह त्यांचे पथक घटनास्थळी पोहोचून पंचनामा करण्यात आल्याचे सांगण्यात आले शासकीय रुग्णालया तपासणी करून धुळापाचा उपचारापूर्वी मृत्यू झाल्याचे डॉक्टरांनी घोषित केले.

ट्रान्सपोर्ट गाडीवर होता चालक

मरण पावलेला धुळाप्पा हा गेल्या पंधरा वर्षापासून आयशर वाहनावर ट्रान्सपोर्ट मध्ये चालक म्हणून कामास होता. साधारण 2012 ते 2013 यादरम्यान धुळाप्पा आणि प्रगती यांचे लग्न झाले होते. त्यांना सात वर्षाची इशू आणि बारा वर्षाची प्राची अशी दोन मुली आहेत, दोघांमध्ये झालेल्या भांडणातून हा प्रकार घडल्याची माहिती नातेवाईकाकडून सांगण्यात येत आहे