Beed-आईच्या अंत्यविधीनंतर तासाभरातच मुलीने दिला दहावीचा पेपर, पहाटे झाले होते आईचे निधन

आईच्या अंत्यविधीनंतर तासाभरातच मुलीने दिला दहावीचा पेपर, पहाटे झाले होते आईचे निधन

बीड : पहाटे आईची निधन झाले सकाळी साडेनऊ वाजता अंत्यसंस्कार करण्यात आले आणि डोळ्यातले आभाळाएवढे दुःख उरात ठेवून मुलगी दहावीच्या तत्वासाठी परीक्षा केंद्रावर पोचली ही घटना आष्टी तालुक्यातील धामणगाव येथील जिल्हा परिषद शाळेमध्ये शनिवार दिनांक 1 मार्च रोजी घडली.

याबाबत अधिक माहिती अशी की धामणगाव येथे दिनांक 1 मार्च रोजी पहाटे साधना राजू मुळे यांचे निधन झाले त्यांची मुलगी नम्रता राजू मुळे ही दहावीची पेपर देत आहे शनिवारी पहाटे निधन झाले आणि मुळे कुटुंबावर शोककळा पसरली. सकाळी साडेनऊ वाजता अंत्यसंस्कार करण्यात आले यानंतर तासाभरातच इंद्रा माध्यमिक विद्यालय धामणगाव येथे सुरू असलेल्या दहावीच्या इंग्रजी विषयाच्या पेपरला नम्रता पोहोचली. आईच्या अचानक निधनाने तिच्या डोळ्यात अश्रू मनात हळवेपणाचे कौर आणि हातात परीक्षेचे पेपर यापेक्षा मोठे दुःख कोणती असू शकते? एकीकडे परीक्षेचे दडपण तर दुसरीकडे आईचे छत्र हरवल्याचा आभाळा एवढा मोठा आघात या दुर्दैवी घटनेमुळे परिसरात हळहळ व्यक्त केली जात आहे.

दरम्यान शनिवारी सकाळी मयत साधना मुळे यांना उपचारासाठी अहिल्यानगर येथे दाखल करायचे होते मात्र काळाने त्यासाठी वेळ दिला नाही कुटुंबावर दुःखाचा  डोंगर कोसळला असून पती राजु मुळे मुलगा यश मुळे (बारावी परीक्षा देत आहे )मुलगी  नम्रता मुळे असा परिवार या कठीण प्रसंगातून जात आहे.

गटशिक्षणाधिकारी यांनी दिला मानसिक आधार

नम्रता मुळे या दहावीच्या परीक्षा देणाऱ्या मुलीच्या आईचे निधन झाल्याने या कठीण व दुःखद परिस्थितीत शिक्षण विभागाकडून मानसिक आधार देण्यात आला आहे आष्टीचे गट शिक्षण अधिकारी सुधाकर यादव आणि केंद्र संचालक राजू गरजे यांनी स्वतः परीक्षा केंद्रावर भेट देऊन नम्रता मुळे या विद्यार्थिनीचे संतवन केले व मानसिक आधार दिला त्यांच्या या मानसिक आधारामुळे ती परीक्षा देण्यास तयार झाली या मुलीची शिक्षण प्रती असलेली निष्ठा आणि मानसिक धैर्य सर्वांसाठी प्रेरणादायी ठरत आहे.