पशुधन विकास अधिकाऱ्यांची 2795 पदे भरणार- पंकजा मुंडे
ग्रामीण भागातील पशुपालक शेतकऱ्यांना फायदा होणार
मुंबई: ग्रामीण भागात पशुसंवर्धन विभागाचे काम गतीने व पूर्ण क्षमतेने होण्यासाठी प्रत्येक क्षत्रिय कार्यालयातील पशुधन विकास अधिकारी पद महत्त्वाचे आहे त्यामुळे पशुसंवर्धन सेवा गट मधील पशुधन विकास अधिकारी संवर्गातील 2795 पदे भरण्यासंदर्भात महाराष्ट्र लोकसेवा आयोगाला मागणी पत्र सादर करण्यात आल्याची माहिती पशुसंवर्धन व पर्यावरण मंत्री पंकजा मुंडे यांनी दिली आहे.
सुधारित आकृतीबंधानुसार महाराष्ट्र पशुसंवर्धन सेवा गट अंतर्गत पशुधन विकास अधिकारी संवर्गात एकूण 4684 पदे मंजूर आहेत त्यापैकी सद्यस्थितीत 1886 पदे भरलेली असून 2798 पदरी रिक्त आहेत तसेच 31 डिसेंबर 2025 अखेर 8 पदे सेवानिवृत्तीमुळे रिक्त होणार आहेत; अशी एकुण 2806 पदे रिक्त होणार आहेत ही पदे रिक्त असल्याने कामकाजावर परिणाम होत होता.या गोष्टीची दखल घेत विभागाच्या मंत्री पंकजा मुंडे यांनी पाठपुरावा करून पशुधन विकास अधिकारी संवर्गातील पदे भरण्याचा निर्णय घेतला आहे त्यानुसार लवकरच लवकर भरती प्रक्रिया राबविण्यात यावी असे महाराष्ट्र लोकसेवा आयोगाला कळविण्यात आले आहे ती रिक्त पदे भरल्यानंतर विभागाचे कामकाज अधिक वेगाने होऊन ग्रामीण भागातील पशुपालक तसेच शेतकरी बांधवांना चांगल्या दर्जाची सेवा उपलब्ध होईल असा विश्वास मुंडे यांनी व्यक्त केला आहे.
0 Comments