तहसीलदार बनवण्याचे आमिष दाखवत महिलेला पावणे अकरा लाखाचा गंडा रोकड सोन्याच्या दागिन्यासह शासकीय योजनेच्या फार्मचे उकळले पैसे

तहसीलदार बनवण्याचे आमिष दाखवत महिलेला पावणे अकरा लाखाचा गंडा रोकड सोन्याच्या दागिन्यासह शासकीय योजनेच्या फार्मचे उकळले पैसे

जळगाव: मुलीला तहसीलदार बनवण्याची हमी दाखवत कल्पना आत्माराम कोळी वय (53) राहणार नेहरूनगर मोहाडी रोड यांच्याकडून ज्योती अशोक साळुंखे राहणार मनियार वाडा बालाजी मंदिरा जवळ (जळगाव) या महिलेने चार लाख बावीस हजार रुपये रोख तीन लाख रुपयांचे एकशे दहा ग्रॅम वजनाची सोन्याची दागिने आणि विविध शासकीय योजनांचे फॉर्म भरून जमा झालेले तीन लाख 51 हजार 950 रुपये असे एकूण दहा लाख 75 हजार 950 रुपये घेऊन फसवणूक केल्याचा धक्कादायक प्रकार उघडकीस आला आहे याप्रकरणी महिलेविरुद्ध रामानंदनगर पोलीस ठाण्यात गुन्हा दाखल करण्यात आला आहे.

याबाबत पोलिसांकडून मिळालेली अधिक माहिती अशी की शहरातील मोहाडी रोड परिसरात कल्पना आत्माराम कोळी यांची मुलगी वैशाली कोळी या खंडेराव नगरात वास्तव्यास आहेत हळदी कुंकवाच्या कार्यक्रमांमध्ये त्यांची ज्योती अशोक साळुंखे या महिलेची ओळख झाली होती. त्या महिलेने कल्पना कोळी यांना माझी शासकीय कार्यालयात खूप ओळख आहे तुमच्या मुलीला किंवा मुलाला शासकीय नोकरीला लावून शकते अशी सांगितले त्याकरता त्या महिलेने तिच्या मोबाईल वरून काही लोकांशी बोलणे करून दिले होते; नोकरीला लावण्यासाठी आपल्याला काही पैसे द्यावे लागतील अशी देखील त्या महिलेने सांगितले होते. तहसीलदार बनवण्यासाठी ज्योती साळुंखे ही कल्पना कोळी यांना भेटून त्यांना आपल्याला 25 ते 30 लाख रुपये द्यावे लागतील असे सांगितले होते त्यावेळी त्यांनी सुरुवातीला तीस हजार रुपये घेतले होते; अजून थोडे पैसे लागतील असे म्हणत ज्योती साळुंखे हिने कल्पना कोळी यांच्याकडून 5 सप्टेंबर 2024 रोजी पासून ते 5 नोव्हेंबर 2024 पर्यंत चार लाख 22 हजार रुपये उकळले होते.

• मुलीला तहसीलदार बघायचे ना म्हणत          एकशे दहा ग्रॅम दागिने घेतले,, ज्योती साळुंखे ही  कल्पना कोळी यांच्याकडून पैसे उकळल्यानंतर तिने अजून पैशाची मागणी केली तसेच पैसे नसतील तर सोन्याचे दागिने द्या ते पुन्हा बनवता येतील तुम्हाला वैशालीला तहसीलदार झालेले पाहिजे आहे की नाही असे सांगितल्यावर नंतर कोळी यांनी त्यांच्याकडे असलेली एक चार तोळे दुसरी तीन तोळे सोन्याची पोत पाच ग्रॅमच्या साखळ्या एक तोळ्याच्या दोन अंगठ्या 16 ग्रॅमची टोंगल दोन ग्रॅमची चीफ सात ग्रॅमची पोत अशी एकूण 110 ग्रॅम सोन्याचे दागिने ज्योती साळुंखेला दिले

• पैसे दागिने परत मागितले असता दिली धमकी

अनेक दिवस झाले तरी नोकरी बद्दल काहीच होत नसल्याने कल्पना कोळी यांनी ज्योती साळुंखे हिच्या घरी गेल्या त्यावेळी तिला पैसे आणि सोन्याची दागिने परत करण्याबाबत विचारणा केली असता तिने तुमचा एक रुपयाही देणार नाही तुम्हाला काय करायचे ते करा तुमचे हात पाय तोडून तुम्हाला संपवायला सुद्धा कमी करणार नाही अशी धमकी दिली. त्यानुसार कल्पना कोळी यांनी रामानंदनगर पोलीस पोलिस तक्रार दिली असून त्यानुसार ज्योती अशोक साळुंखे राहणार मन्यार वाडा बालाजी मंदिराजवळील हिच्या विरुद्ध फसवणुकीचा गुन्हा दाखल करण्यात आला आहे तपास पोलीस हेड कॉन्स्टेबल जितेंद्र तावडे हे करीत आहेत.

• 560 महिलांनी भरलेल्या फॉर्म चे पैसे घेतले

काही दिवसांनी कल्पना कोळी यांनी ज्योती साळुंखे हिला नोकरी बदल विचारणा केली यावर तिने निवडणुकीचा काल चालू असून थोडे दिवस वाट बघावी लागेल मी वैशालीला सरकारी योजनेमधून पैसे कमवून देते असे म्हणत शासकीय योजनांच्या नावाखाली 560 महिलांचे फॉर्म भरून त्यांच्याकडून घेतलेली तीन लाख 51 हजार 950 रुपये आणि वैशाली कोळी हिची सहा तोळे वजनाची पोतदेखील ज्योती साळुंके घेऊन गेली.