घरासमोर गाडी लावण्याच्या कारणावरून वाद; हंगरगा तुळ येथे लोखंडी कोयत्याने मारहाण, पाच जणांवर गुन्हा-Tuljapur Taluka News, Assault Case Tuljapur, Dharashiv Breaking News.

तुळजापुर : घरासमोर गाडी लावण्याच्या कारणावरून वाद; हंगरगा तुळ येथे लोखंडी कोयत्याने मारहाण, पाच जणांवर गुन्हा-

.

 धाराशिव  – घरासमोर गाड्या लावण्याच्या किरकोळ कारणावरून झालेल्या वादातून एका कुटुंबावर गंभीर मारहाण केल्याची घटना तुळजापूर तालुक्यातील हंगरगा तुळपाटी येथे घडली आहे. या प्रकरणी पाच जणांविरुद्ध तुळजापूर पोलीस ठाण्यात विविध कलमांखाली गुन्हा दाखल करण्यात आला आहे.

 या घटनेबाबत पोलिसांनी दिलेल्या माहितीनुसार, दि. 06 मार्च 2026 रोजी रात्री सुमारे 10.45 वाजता हंगरगा तुळ येथे फिर्यादी अमोल विजय लोंढे (वय 34) यांच्या घरासमोर गाड्या लावण्याच्या कारणावरून वाद झाला. या वादातून आरोपींनी गैरकायद्याची मंडळी जमवून फिर्यादी व त्यांच्या कुटुंबीयांना जातीवाचक शिवीगाळ केली.

त्यानंतर आरोपींनी लाथाबुक्यांनी तसेच लोखंडी कोयता आणि विटांनी फिर्यादीचे वडील विजय लोंढे, महेश लोंढे, बायडाबाई लोंढे, अश्विनी लोंढे व हेमा लोंढे यांना मारहाण करून गंभीर जखमी केले. तसेच जिवे ठार मारण्याची धमकी दिल्याचे फिर्यादीत नमूद करण्यात आले आहे.

या घटनेप्रकरणी दत्तात्रय मुरलीधर देशमुख, कौसा दत्तात्रय देशमुख, दादासाहेब दत्तात्रय देशमुख, शैला दत्तात्रय देशमुख व रतन साळुंखे (सर्व रा. हंगरगा तुळपाटी, ता. तुळजापूर, जि. धाराशिव) यांच्याविरुद्ध दि. 08 मार्च 2026 रोजी तुळजापूर पोलीस ठाण्यात गुन्हा नोंदविण्यात आला आहे.

या प्रकरणी भारतीय दंड विधानातील कलम 109, 118(1), 115(2), 352, 351(2)(3), 189(2), 191(2), 191(3) तसेच अनुसूचित जाती-जमाती अत्याचार प्रतिबंधक कायदा कलम 3(1)(R), 3(1)(S), 3(2)(VA) आणि भारतीय हत्यार कायदा कलम 4/25 अन्वये गुन्हा दाखल करण्यात आला आहे.

तुळजापूर पोलिसांकडून या प्रकरणाचा अधिक तपास करत आहेत.

---

Hungerga Tul Marhan News, Tuljapur Crime News, Dharashiv Crime News, Tuljapur Police Station Case, Atrocity Act Case Dharashiv, Hungarga Tulpati News, Maharashtra Crime News, Tuljapur Taluka News, Assault Case Tuljapur, Dharashiv Breaking News.