पत्नीला नांदायला पाठवत नसल्याने जावयाने केला सासऱ्याचा खून, जावयावर गुन्हा दाखल मोहोळ तालुक्यातील घटना

पत्नीला नांदायला पाठवत नसल्याने जावयाने केला सासऱ्याचा खून, जावयावर गुन्हा दाखल मोहोळ तालुक्यातील घटना

सोलापूर: पत्नीला नांदावयास पाठवीत नाहीत याशिवाय माझ्या विरोधात न्यायालयात दावा दाखल केला आहे या गोष्टीचा राग मनात धरून जावयाने सासरवाडीत जाऊन घराच्या अंगणात झोपलेल्या सासऱ्याचा चाकूने वार करून खून केला; तर सोडवण्यास आलेला मेहुणा व सासूवरही चाकूने वार करून गंभीर जखमी केले ही घटना मोहोळ तालुक्यातील रामहिंगणे येथील काळे वस्तीवर २७ एप्रिल रोजी रात्री घडली बापूराव तुळशीराम माशाळ वय 53 असे त्या मरण पावलेल्या व्यक्तीचे नाव आहे. याप्रकरणी अभिजीत बापूराव माशाळे यांच्या फिर्यादीवरून मंगेश देविदास सलगर वय 35 यांच्या विरोधात मोहोळ पोलीस ठाण्यात गुन्हा दाखल करण्यात आला आहे.

या घटनेची पोलिसांकडून मिळालेली अधिक माहिती अशी की बापूराव यांच्या मुलीचा विवाह कोळेगाव येथील मंगेश याच्याशी झाला होता दरम्यान मागील तीन वर्षापासून मंगेश याची पत्नी निशा आई-वडिलांकडे राहत होती याशिवाय जावयाच्या विरोधात न्यायालयात दावाही दाखल केला होता. या रागाच्या भरातच दिनांक २७ एप्रिलच्या रात्री बारा वाजण्याच्या सुमारास बापूराव माशाळे घराच्या बाहेर अंगणात झोपले होते तर मुलगा  अभिषेक माशाळा गोठ्यात झोपला होता व सासू  आशा माशाळ या घरात झोपल्या होत्या आरोपीने धारदार चाकूने सासऱ्याच्या तोंडावर अंगावर व पायावर भोसकून वार करून जीवे ठार मारले;आवाज आल्याने वडिलांना सोडवण्यासाठी गेलेला मेव्हणा अभिजीत माशाळ व सासू आशा माशाळ या दोघांनाही चाकू भोसकून गंभीर जखमी केले.

या घटनास्थळी पोलीस निरीक्षक हेमंत शेंडगे पोलीस उपाधीक्षक संकेत देवळेकर आर्थिक गुन्हे शाखेचे पोलीस निरीक्षक दीपक चव्हाण यांनी भेट देऊन फॉरेन्सिक लॅबच्या टीमने त्या ठिकाणचे फिंगरप्रिंट घेतली आहेत अधिक तपास सहाय्यक पोलीस निरीक्षक पाटील हे करत आहेत.

आरोपी हा अंगाला रक्त लावत बसला होता

आरोपी हा घटनास्थळावरून निघून न जाता तेथे सांडलेल्या रक्ताच्या थारोळ्यातील रक्त स्वतःच्या अंगाला लावून तेथेच बसला होता पोलीस स्टेशनच्या 112 वर कॉल करून मला या ठिकाणी पाच ते सहा जणांनी मारले आहे मला वाचवायला ताबडतोब या असा कॉल करून जागीच थांबला होता.

घरात लगीन घाई सुरू होती

मंगेश ची पत्नी निशा घरातच होती भीतीपोटी ती बाहेर आली नाही निशाच्या थोरल्या भावाचे लग्न ६ मे रोजी ठरले आहे लग्नाच्या पत्रिका वाटप झाल्या होत्या घरात लग्न घाई सुरू होती या घडलेल्या प्रकारामुळे सर्वत्र कुटुंबावर दुःखाचा डोंगर कोसळला आहे.