हॉटेल भाग्यश्रीच्या मालकाच्या अपहरण प्रकरणी पोलीस प्रशासनाने सखोल चौकशी करावी ; आमदार रोहित पवार यांची मागणी-
धाराशिव /प्रतिनिधी रुपेश डोलारे – सोशल मीडियावर सध्या सर्वाधिक चर्चेत आलेले सुप्रसिद्ध जिल्ह्यातील हॉटेल भाग्यश्रीचे मालक नागेश मडके यांच्या अपहरण व मारहाण प्रकरणात शहर पोलीस गुन्हा नोंदवण्यास टाळाटाळ करत असल्याचा आरोप आता खुद्द मडके यांनीच केला आहे. याप्रकरणी आता आमदार रोहित पवार यांनी ट्विटर द्वारे या प्रकरणाची सखोल चौकशी होऊन कठोर कारवाई करण्यात यावी अशी मागणी केली आहे.
आमदार रोहित पवार यांनी अशी ट्विट केले आहे की सध्या सोशल मीडियावर चर्चेत असलेले हॉटेल भाग्यश्री चे सर्वेसर्वा मालक नागेश मडके यांचं अपहरण करून त्यांना बेदम मारहाण करण्याचा प्रकार अत्यंत धक्कादायक आहे कोणतेही औपचारिक शिक्षण नसताना या तरुणांनी केवळ आपल्या मेहनतीच्या बळावर सर्व हा विस्तार केला आहे आणि कॉलिटी च्या बळावर खवय्यांची पसंती मिळवली हॉटेलची तोडफोड, मारहाण भांडण शिवीगाळ हे प्रकार तिथे सातत्याने होत असून आता तर गाडीत कोंबून त्यांचं अपहरण केलं हा प्रकार व्यावसायिक स्पर्धेतून झाला की अन्य कोणत्या कारणाने झाला याचा सखोल चौकशी करून पोलिसांनी कायद्याने नाद करती काय! असा धडा शिकवावा आणि ग्राहकानेही एखाद्या मराठी व्यावसायिकाच्या पाठीशी ठामपणे उभे राहावे अशी ट्विटमध्ये म्हटले आहे.
तुझे तीन बॉडीगार्ड कोठे होते मडके यांना पोलिसाचा प्रश्न?
या घटनेनंतर थेट पोलीस अधीक्षकांकडे तक्रार दाखल केल्याची माहिती त्यांनी दिली आहे. विशेष म्हणजे, पोलीस गुन्हा दाखल करण्याऐवजी उलटपक्षी विचारतात – "घटना घडली तेव्हा तुझे तीन बॉडीगार्ड कुठे होते?"
नेमकं काय घडलं?
२३ जुलै रोजी सायंकाळी सव्वा सात ते साडेसातच्या दरम्यान हॉटेलसमोर उभ्या असलेल्या नागेश मडके यांना चारचाकी गाडीतून आलेल्या ४-५ अज्ञातांनी सेल्फी काढण्याच्या बहाण्याने गाडीत ओढून अपहरण केले. गाडीत बेदम मारहाण करून त्यांना जीव मारण्याची धमकी देण्यात आली आणि वडगाव (सि.) येथील पुलावर फेकून देण्यात आले.
तुझा स्टंट आहे तू हे बंदुकीसाठी करतोस?"
हॉटेल भाग्यश्री चे मालक नागेश मडके यांनी सांगितले की, पोलीस ठाण्यात तक्रार देण्यासाठी गेले असता एका अधिकाऱ्याने "तू हे सगळं बंदुकीचा परवाना मिळवण्यासाठी करतोस का?" असा संशयपूर्वक प्रश्न विचारून तक्रार घेण्यास टाळाटाळ केली.
पोलीस अधीक्षकांकडे धाव
या प्रकारामुळे मडके यांनी थेट पोलीस अधीक्षकांकडे तक्रार दाखल केली आहे. सध्या ते जिल्हा रुग्णालयात उपचार घेत असून त्यांची प्रकृती स्थिर आहे. अपहरण करणाऱ्या आरोपीवर कठोर कारवाई करण्यात यावी अन्यथा मी जिल्हा पोलीस अधीक्षक कार्यालयासमोर आत्मदान करणार असल्याचे मडके यांनी मीडियाशी बोलताना सांगितले आहे.दरम्यान, या प्रकरणात पोलिसांची भूमिका संशयास्पद ठरत असून, गुन्हा नोंद न होणे आणि अपहृत व्यक्तीवरच प्रश्नचिन्ह उपस्थित केल्याने गुन्हेगारीपेक्षा पोलिसांवरच संतापाचा सोशल मीडियावर भडका उडत आहे. आता या प्रकरणाकडे आमदार रोहित पवार यांनी लक्ष घातले असून आता पोलीस प्रशासन काय कारवाई करणार याकडे लक्ष लागले आहे.
0 Comments