धक्कादायक घटना : आईच्या दुजाभावाला कंटाळून वकिलाची आत्महत्या;दोन पानी सुसाई़ड नोटमधील आरोपामुळे खळबळ…
सोलापुर/प्रतिनिधी रूपेश डोलारे : कौटुंबिक कलह आणि तणावातून सोलापुरातील एका 32 वर्षीय युवा वकीलांनी राहत्या घरी तळफास घेऊन आत्महत्या केल्याची धक्कादायक घटना बुधवार दिनांक 12 नोव्हेंबर रोजी घडली आहे. मयत वकिलाचे नाव सागर श्रीकांत मंद्रूपकर वय 32 (राहणार समर्थ सोसायटी एसआरपी कॅम्प सोलापूर) असे आहे. आत्महत्या पूर्वी सागरने लिहिलेली सुसाईड नोट त्याच्या बनियन मध्ये पोलिसांना मिळून आली त्यात आईवर गंभीर आरोप करण्यात आल्याचे पोलिसांनी सांगितले.वकील सागर हे पत्नी सोबतच्या वादामुळे आणि इतर कौटुंबिक कारणामुळे तणावाखाली होते त्यांना दोन मुले आहेत मंगळवारी रात्री उशिरा सागर आणि त्याची आई यांच्यात वाद झाला त्यानंतर सागर वरच्या मजल्यावरील खोली झोपायला गेला;तर आई वडील खालच्या मजल्यावर झोपले दुसऱ्या दिवशी वडील नेहमीप्रमाणे नोकरीवर गेले दुपारी चार वाजेपर्यंत सागर खाली आला नसल्याने आईला शंका आली आणि तातडीने आपल्या भावाला सागरच्या मामाला बोलावून घेतले .आई आणि मामा यांनी वरच्या खोलीचा दरवाजा उघडला असता सागर गळफास घेतलेल्या अवस्थेत आढळला .सागरला तातडीने खाली उतरवण्यात आली आणि विजापूर नाका पोलिसांना ही माहिती देण्यात आली. पोलिसांनी त्याला छत्रपती शिवाजी महाराज सर्व उपचार येथे दाखल केली मात्र उपचारापूर्वीच त्याचा मृत्यू झाल्याचे डॉक्टरांनी घोषित केले. या दुर्घटनेनंतर मृतदेह सेवविच्छेदनासाठी पाठवण्यात आला असून रात्री उशिरा झाल्याने दिनांक 13 रोजी पोस्टमार्टम केले.
सुसाईड नोटमध्ये आईवर गंभीर आरोप
सिव्हिल हॉस्पिटलमध्ये पोलिसांनी मृतदेहाची तपासणी केली असता सागरच्या टी-शर्टच्या आतील बनियन मध्ये एक सुसाइड नोट्स सापडली पोलिसांना मिळावी या उद्देशाने त्यांनी ती त्या ठिकाणी ठेवली होती. पोलिसांनी दिलेल्या माहितीनुसार या चिट्ठीत सागरने म्हटले आहे. की माझी आई मला व माझ्या दोन मुलांना सतत वेगळी वागणूक देत होती मुलीला मात्र वेगळी वागणुक द्यायची ती सतत मला अपमानास्पद वागणूक देत होती. तिला कठोर शिक्षा व्हावी या सुसाईडमुळे कौटुंबिक छळाचे कारण समोर आले आहे विजापूर नका पोलीस या घटनेचा अधिक तपास करत आहेत.
0 Comments