महा-ई-सेवा केंद्र चालकांकडून ग्राहकांची होणारी आर्थिक लुट तात्काळ थांबवावी - जनहित संघटनेची मागणी

महा-ई-सेवा केंद्र चालकांकडून ग्राहकांची होणारी आर्थिक लुट तात्काळ थांबवावी - जनहित संघटनेची मागणी 

तुळजापुर : राज्य शासनाकडून विधवा ,अपंग निराधार, विद्यार्थी अशांसाठी विविध योजना निर्गमित करण्यात आले आहेत, त्यामुळे या व्यक्तींना अनेक दाखल्याची गरज भासते या दाखल्यासाठी शासकीय दर आकारून दिले असून देखील आज आपले सरकार सेवा केंद्र , सीएससी सेंटर मध्ये भरमसाठ दर आकारून ग्राहकांची मोठी आर्थिक लूट सुरू आहे, त्यामुळे अशा सेंटरला जनहित संघटनेच्या वतीने टाळे ठोको आंदोलन केले जाईल असा इशारा निवेदनाद्वारे तुळजापूर तहसील यांच्याकडे दिला आहे.

या निवेदनात असे म्हटले आहे की  तुळजापूर शहरातील आपले सरकार सेवा केंद्र महा ई सेवा केंद्र कॉमन सर्व्हिस सेंटर परवाना धारक व ग्रामीण  भागातील परवाना धारक हे तुळजापूर ग्रामीण भागातील परवाण्याचा वापर करून विधवा वयोवृद्ध दिव्यांग शालेय विद्यार्थी शेतकरी यांची प्रत्येक ऑनलाईन नोंदी साठी शासनाने ठरवून दिलेला दर पत्रक ३३ रू ६० पैसे, ५७ रु ६० पैसे ऐवजी मनमानी पद्धतीने २००, ३००, ५००.असे दर आकारून नागरिकांच्या मजबुरीचा फायदा घेऊन आर्धीक पिवणुक करीत आहेत .

 जनहित संघटनेच्या वतीने तहसीलदार यांच्याकडे निवेदाद्वारे सदरील परवाना धारकांना शासनाच्या नियमानुसार दर पत्रक लावुन दर पत्रकानुसारच फी आकारण्याच्या सूचना द्याव्यात अन्यथा अश्या गोरगरिबांची लुट करणाऱ्या आपले सरकार सेवा केंद्र कॉमन सर्व्हिस सेंटर परवाना धारक यांच्या दुकानाला जनहित संघटनेच्या वतीने टाळे ठोको आंदोलन केले जाईल असा इशारा जनहित संघटनेचे विशाल साळुंके यांनी दिला.