हसेगाव (के) येथे मराठा आरक्षणासाठी साखळी उपोषण सुरू

कळंब तालुक्यातील हसेगाव (के) येथे मराठा आरक्षणासाठी साखळी उपोषण सुरू

कळंब दि.३०(प्रतिनिधी): कळंब तालुक्यातील हसेगाव (के) येथे मराठा समाजाला आरक्षण मिळावे म्हणून साखळी उपोषण सुरू करण्यात आले आहे. मनोज जरांगे पाटील हे आंतरवाली सराटी येथे काही दिवसांपूर्वी अमरण उपोषणाला बसले होते. शासनाला ४० दिवसांची मुदत देण्यात आली होती. 40 दिवसाची मुदत संपुणही मराठा समाजाला आरक्षण मिळाले नसल्याने. मनोज जरांगे पाटील हे पुन्हा आमरण उपोषणाला बसले आहेत. यांच्या उपोषणास कळंब तालुक्यातील हसेगाव (के) येथे साखळी उपोषणाच्या माध्यमातून पाठिंबा देत आज दि.३०ऑक्टोंबर पासुन साखळी उपोषणास सुरुवात केली आहे. सकल मराठा समाजाच्या वतीने हे साखळी उपोषण सुरू रहाणार असुन दि.31 रोजी आज साखळी उपोषणाचा १ ला दिवस आहे. सदरील उपोषण हसेगाव (के) येथील येथील बस स्टॅन्ड वर सुरू करण्यात आले आहे. गावातील मराठा समाजासह इतर समाज बांधवानीही या साखळी उपोषणास बसून पाठिंबा दिला आहे. जो पर्यंत मराठा समाजाला आरक्षण मिळत नाही तो पर्यंत हसेगाव (के) ता कळंब येथे साखळी उपोषण सुरू रहाणार आहे.