घराबाहेर झोपलेल्या एका शेतकऱ्यावर अज्ञात चोरट्यांनी धारदार शस्त्राने केला हल्ला
गंभीर जख्मी शेतकऱ्यावर बार्शी येथे उपचार
ऊसतोड कामगाराचा मोबाईल चोरी
काशीमबाग परंडा येथील घटना
धाराशिव : करमाळा रोड जवळील काशीमबाग वस्तीवर घराबाहेर झोपलेल्या शेतकरी रामा अभिमान भानवसे ( माळी ) ( वय ५० वर्ष ) यास अज्ञात चोरट्यांनी गुरुवार ( दि . १५ ) पहाटे ३ वाजण्याच्या सुमारास धारदार शस्त्राने हल्ला करून डोक्यात घाव घालून जीवघेणा हल्ला केला आहे . ते घराबाहेर वाळत टाकलेल्या गहू धान्यास राखणीसाठी पलंगावर झोपले होते . झोपेतच त्यांच्यावर हा हल्ला झाला . चोरटे गेल्यानंतर त्यांनी घरात झोपलेल्या कुटूंबीयांना जागे केले . रक्ताने माखलेल्या रामा यांना पाहिल्याने कुटुंबिय घाबरले व आरडाओरड केली शेजारील नागरिक जागे झाले व त्यांना रुग्णालयात घेवून गेले . यामध्ये शेतकरी रामा भानवसे यांचा रक्तस्राव झाल्याने ते गंभीर असून त्यांच्यावर परंडा उपजिल्हा रुग्णालयात उपचार करून पुढील उपचारासाठी बार्शी येथील रुग्णालयात अतिदक्षता विभागात दाखल करण्यात आले आहे . दरम्यान करमाळा रोड लगत असलेल्या पत्रकार सुरेश घाडगे यांच्या शेतात वास्तव्यास असलेल्या ऊसतोडी कामगार टोळीच्या कोपीचा कपडा कापून अंदाजे दहा हजार किंमतीचा मोबाईल चोरून नेहला आहे . हि घटना ही पहाटे ३ वाजण्याच्या सुमारासस घडली आहे . या घटनांमुळे परिसरातील नागरिकांत भिती निर्माण झाली आहे . या अज्ञात चोरट्यांचे पाकीट घटनास्थळी सापडले असून या चोरट्यांचा तात्काळ तपास लाववा , अशी मागणी नागरिकातून होत आहे .
0 Comments