भावांची ताकद वाढवा ओवाळणीची रक्कम वाढवणार: देवेंद्र फडणवीस सर्व पात्र लाभार्थ्यांना योजनेचा लाभ मिळवून देण्याचे आश्वासन

भावांची ताकद वाढवा ओवाळणीची रक्कम वाढवणार: देवेंद्र फडणवीस सर्व पात्र लाभार्थ्यांना योजनेचा लाभ मिळवून देण्याचे आश्वासन 

नागपूर : राज्यातील सर्व पात्र लाभार्थ्यांना लाडकी बहीण योजनेच्या माध्यमातून लाभ मिळवून देण्यात येणार आहे. याकरिता अर्ज करण्याच्या अवधी देखील वाढवण्यात आला आहे पुणे येथे प्रथम टप्प्याच्या कार्यक्रमात एक कोटी साठ लाख लाडक्या बहिणीच्या खात्यात 325 कोटी रुपये जमा करण्यात आले होते .शनिवारी दुसऱ्या टप्प्यात नागपूर येथे आयोजित कार्यक्रमात महायुती सरकारने 52 लाख लाडक्या बहिणींच्या खात्यात 1562 कोटी रुपये जमा केले आहेत. ज्यांचे अर्ज मंजूर झाले नसतील त्यांनी चिंता करू नये सर्व पात्र लाभार्थ्यांना सरकार लाभ देणार आहे; विरोधकांनी या योजनेला विरोध केला आहे मात्र महायुती सरकार आपल्या लाडक्या बहिणींना हा लाभ देण्यास कटिबद्ध आहे मुख्यमंत्री व दोन्ही उपमुख्यमंत्री या तिन्ही भावांची ताकद वाढवा लाडक्या बहिणींच्या ओवाळीच्या रकमेत निश्चित वाढ करून देऊ असे उपमुख्यमंत्री देवेंद्र फडणवीस म्हणाले.

मुख्यमंत्री माजी लाडकी बहीण योजनेच्या लाभार्थ्याच्या खात्यात पैसे जमा करण्याच्या दुसऱ्या टप्प्याचा कार्यक्रम शनिवारी नागपुरातील रेशीमबाग मैदानावर पार पडला यावेळी ते बोलत होते याप्रसंगी मुख्यमंत्री एकनाथ शिंदे केंद्रीय मंत्री नितीन गडकरी उपमुख्यमंत्री अजित पवार पर्यटन मंत्री गिरीश महाजन अन्न व औषध प्रशासन मंत्री धर्मराव बाबा आत्राम महिला व बाल विकास मंत्री आदिती तटकरे भाजप प्रदेशाध्यक्ष चंद्रशेखर  बावनकुळे प्रामुख्याने उपस्थित होते. उपमुख्यमंत्री फडणवीस पुढे म्हणाले लाडकी बहीण योजनेच्या प्रभावी अंमलबजावणीतून नवी अस्वस्थता व विश्वास राज्यातील बहिणींना मिळाला आहे या योजनेला राज्यातील महिलांनी दिलेला अबूतपूर्व प्रतिसाद लक्षात घेऊन या योजनेच्या जोडीला आणखी काय देता येईल याचा प्रश्न शासन करत आहे राज्य शासनाने विविध योजनांच्या माध्यमातून महिला सक्षमीकरणाचा नवा अध्याय सुरू केला आहे महिला विकसित झाल्याशिवाय खऱ्या अर्थाने भारत विकसित होणार नाही हे लक्षात घेऊन पंतप्रधान नरेंद्र मोदी यांनी या दृष्टीने विविध योजनेच्या माध्यमातून महिला सक्षमीकरणावर भर दिला आहे विशेषतः मुलींच्या शिक्षणासाठी सर्व पातळ्यावर मदत करून परिवर्तन घडवले जाईल इतिहास बदलण्याची शक्ती महिलांमध्ये असते हे लक्षात घेऊन त्यांच्या जीवनात विविध योजनांच्या माध्यमातून परिवर्तन घडवण्याचे प्रयत्न केले जातील त्यांच्या सन्मानाची जोपासना केली जाईल अशी हमी देतानाच नागपूरच्या विकासासाठी घेतलेल्या विविध निर्णयांची ही फडणवीस यांनी माहिती दिली.

तीन कोटी लाडक्या बहिणींना देणार लाभ: मुख्यमंत्री एकनाथ शिंदे

अडीच कोटी लाडक्या बहिणींना योजनेचा लाभ देण्याचे उद्दिष्ट असले तरी ही संख्या तीन कोटीपर्यंत घेऊन जाण्याचा सरकारचा मानस असल्याचे मुख्यमंत्री एकनाथ शिंदे म्हणाले सरकारच्या तिजोरीतील पैसे हे सर्वसामान्याचे असल्याने त्यांना याचा लाभ मिळालाच पाहिजे आम्ही जे बोलतो ते करून दाखवतो म्हणून विरोधकाच्या पायाखालची वाळू सरकली आहे .या योजनेने आतापर्यंत सर्व विक्रम मोडून काढले आहेत विरोधकांनी कितीही प्रयत्न केले न्यायालयात गेले तरी योजना बंद पडणार नाही; अशा शब्द मुख्यमंत्री एकनाथ शिंदे यांनी लाडक्या बहिणींना दिला लाडक्या बहिणींना दिली जाणारी ही रक्कम माहेरचा आहेर आहे महायुती सरकार पुन्हा सत्तेत आल्यास फक्त पंधराशे रुपये नाही तर ही रक्कम वाढवून 3000 रुपयांपर्यंत करण्याचा आमचा प्रयत्न राहणार आहे ही योजना अर्थव्यवस्थेला चालना देणारी आहे राज्यात महिलावर होणारे अत्याचाराच्या घटना संदर्भात बोलताना अत्याचारांना फाशीची शिक्षा मिळावी असे आमचा प्रयत्न राहणार आहे गुन्हेगाराला माफी मिळणार नसल्याची शब्दही मुख्यमंत्री शिंदे यांनी यावेळी दिला.

महिला कल्याणाच्या योजनेसाठी 75 हजार कोटी : अजित पवार

या योजने संदर्भात विरोधकांनी केलेल्या अप्रचाराला आता उत्तर मिळाले असून तिच्या अंमलबजावणी संदर्भात पसरवण्यात आलेली नकारात्मक अनाठाई असल्याचे सिद्ध झाल्याचे उपमुख्यमंत्री अजित पवार यावेळी म्हणाले ही योजना महिलांना आर्थिक स्वावलंबन देणारी असून योजना भविष्यातही कायमस्वरूपी राबविण्यात येणार आहे या योजने सोबतच सिलेंडर वाटप मोफत शिक्षण अशा विविध योजनांच्या माध्यमातून महिलांच्या सक्षमीकरणासाठी सरकार प्रयत्नशील आहे राज्य सरकार त्यासाठी 75 हजार कोटी रुपयांचा निधी खर्च करत आहे महिलांना सबळ सक्षम सन्मानित आणि सुरक्षित करण्याचे काम राज्यातील विद्यमान सरकारकडून करण्यात येत आहे त्यांच्या सुरक्षेसाठी आम्ही सजग आहोत अशा शब्दात उपमुख्यमंत्री अजित पवार यांनी आश्वासन दिले.