हृदयद्रावक घटना : बीडमध्ये अपक्ष उमेदवाराचे हृदयविकाराच्या झटक्याने मतदान केंद्रावरच निधन
बीड: बीड विधानसभा मतदारसंघातील अपक्ष उमेदवार बाळासाहेब शिंदे यांचा मतदान केंद्रावरच हृदयविकाराच्या तीव्र झटक्याने मृत्यू झाला. ही घटना शहरातील छत्रपती शाहू महाराज विद्यालयाच्या केंद्रावर घडली. शिंदे हे मतदान केंद्रावर मतदानाचा आढावा घेत असताना अचानक चक्कर येऊन ते खाली पडले., त्यानंतर त्यांचा मृत्यू झाला. बाळासाहेब शिंदे हे बीड विधानसभा मतदारसंघात अपक्ष उमेदवार म्हणून निवडणूक लढवत होते. बुधवारी झालेल्या मतदानाच्या दिवशी ते मतदान केंद्रावर मतदानाचा आढावा घेण्यासाठी ते शहरातील छत्रपती शाहू विद्यालयातील केंद्रावर थांबले होते. या दरम्यान त्यांना चक्कर आली आणि ते खाली पडले. त्यांना काकू नाना रुग्णालयात उपचारासाठी दाखल करण्यात आले होते. त्यानंतर त्यांना छत्रपती संभाजीनगर येथील रुग्णालयात हलवण्यात आले मात्र डॉक्टरांनी तपासून त्यांना मृत घोषित केले.
0 Comments