धाराशिव : डॉ बाबासाहेब आंबेडकर मराठवाडा विद्यापीठ देशातील महत्वाचे ज्ञानतिर्थ - डॉ संदीप देशमुख -
___________________________
धाराशिव / रूपेश डोलारे प्रतिनिधी) : येथील श्री स्वामी विवेकानंद शिक्षण संस्था कोल्हापूर संचलित, रामकृष्ण परमहंस महाविद्यालयात डॉ. बाबासाहेब आंबेडकर मराठवाडा विद्यापीठाचा 67 वा वर्धापन दिन महाविद्यालयाचे प्रभारी प्राचार्य डॉ. संदीप देशमुख,यांच्या मार्गदर्शनाखाली उत्साहात साजरा करण्यात आला.
यावेळी डॉ. संदीप देशमुख यांच्या हस्ते विद्यापीठ ध्वजाचे ध्वजारोहण करण्यात आले. याप्रसंगी सर्वप्रथम शिक्षणमहर्षी डॉ. बापूजी साळुंखे आणि संस्थामाता सुशीला देवी साळुंखे यांच्या पुतळ्याला पुष्पहार अर्पण करून डॉ.बाबासाहेब आंबेडकर यांच्या प्रतिमेचे महाविद्यालयाचे प्राचार्य, डॉ.संदीप देशमुख यांच्या हस्ते पूजन करण्यात आले.
यावेळी डॉ.संदीप देशमुख यांनी विद्यापीठ वर्धापन दिनाच्या शुभेच्छा देताना वरील प्रतिपादन केले,ते म्हणाले की, डॉ बाबासाहेब आंबेडकर मराठवाडा विद्यापीठ छत्रपती संभाजी नगर अंतर्गत होणारे संशोधन हे वैश्विक स्तरावर पोहचले आहे मराठवाड्याची भूमि ही संतांची भूमी आहे, आणि आपल्या विद्यापीठामुळे ही भूमी ज्ञानाची व संस्कारांची भूमि म्हणून देखील ओळखली जाते, त्याचबरोबर एकुणच विद्यापीठ स्थापनेपासूनचा इतिहास त्यांनी उपस्थितांसमोर मांडला.आणि उपस्थित सर्व गुरुदेव कार्यकर्त्यांना आणि विद्यार्थ्यांना शुभेच्छा देण्यात आल्या.
यावेळी कनिष्ठ विभागाचे उप प्राचार्य बबन सूर्यवंशी, सांस्कृतिक विभाग प्रमुख, प्राध्यापक विवेकानंद चव्हाण, वरीष्ठ जिमखाना विभाग प्रमुख प्राध्यापक राजा जगताप, कनिष्ठ जिमखाना विभाग प्रमुख कनिष्ठ विभाग,प्रा सचिन चव्हाण,प्रसिद्धीप्रमुख डॉ.मारुती अभिमान लोंढे,एन सी सी विभाग प्रमुख डॉ केशव क्षीरसागर,आदीसह सर्व शिक्षक व शिक्षकेतर कर्मचारी तसेच सर्व विद्यार्थी मोठ्या संख्येने उपस्थित होते.सदर कार्यक्रम यशस्वी होण्यासाठी वरिष्ठ विभागाचे स्टाफ सेक्रेटरी , डॉ.बालाजी गुंड,आदीसह सर्व गुरुदेव कार्यकर्ते यांनी परिश्रम घेतले
0 Comments