मोठी बातमी : एसटी महामंडळामध्ये लवकरच १७,४५० पदांसाठी मेगा भरती किमान वेतन 30 हजार रुपये
मुंबई प्रतिनिधी रुपेश डोलारे : राज्याच्या एसटी महामंडळाच्या ताफ्यात लवकरच ८००० नव्या बस दाखल होणार आहेत त्यासाठी लागणारे मनुष्यबळ विचारात घेता एसटी महामंडळामध्ये चालक व सहाय्यक पदासाठी १७४५० पदे कंत्राटी तत्त्वावर भरली जाणार आहेत या पदासाठी किमान मासिक वेतन हे ३० हजार रुपये असणार आहे.
राज्याचे परिवहन मंत्री तथा एस टी महामंडळाचे अध्यक्ष प्रताप सरनाईक यांनी राज्यातील तरुणांना आव्हान केले आहे की या नोकर भरतीचा त्यांनी लाभ घ्यावा या भरतीतून हजारो तरुणांना रोजगाराची संधी चालून आली आहे महाराष्ट्र राज्य मार्ग परिवहन महामंडळाच्या ३०० व्या संचालक मंडळाच्या बैठकीत घेण्यात आलेल्या निर्णयानुसार चालक व सहाय्यक या पदावर तीन वर्षासाठी कंत्राटी तत्त्वावर भरती केली जाणार आहे. त्यासाठी ई-निविदा प्रक्रिया राबवली जाणार आहे ही २ ऑक्टोबर पासून सुरू होणार आहे; ही प्रक्रिया सहाय्यक प्रादेशिक विभागांमध्ये राबवली जाईल त्यानंतर संबंधित संस्थेकडून एसटी महामंडळाला आवश्यक ते मनुष्यबळ उपलब्ध होणार आहे या कर्मचाऱ्यांना एसटी कडून प्रशिक्षण दिले जाणार आहे त्यांना सुमारे ३० हजार रुपये पगार मिळेल. एसटीला आवश्यक त्या बस गाडी आणि त्यासाठी मनुष्यबळ उपलब्ध झाल्यानंतर प्रवाशांना अखंड दर्जेदार व सुरक्षित बस सेवा दिली जाईल अशी ग्वाही परिवहन मंत्री प्रताप सरनाईक यांनी दिली.
0 Comments