सोलापूर हादरले! बोरामणीत दिराने केली वहिणीसह त्यांच्या दोन अल्पवयीन मुलांची निर्घृण तिहेरी हत्या - Boramani Murder Crime News
सोलापूर : दक्षिण सोलापूर तालुक्यातील बोरामणी गावात एकाच कुटुंबातील आई आणि तिच्या दोन अल्पवयीन मुलांची तलवारीने वार करून निर्घृण हत्या करण्यात आल्याची धक्कादायक घटना दि,२ रोजी समोर आली आहे. या तिहेरी हत्याकांडामुळे संपूर्ण परिसरात भीतीचे वातावरण निर्माण झाले असून गावात प्रचंड खळबळ उडाली आहे.
मिळालेल्या माहितीनुसार, बोरामणी येथील मस्के कुटुंबातील गायत्री सुधाकर मस्के (वय ४२), त्यांची बारावीमध्ये शिक्षण घेणारी मुलगी प्रिया मस्के (वय १८) आणि दहावीत शिकणारा मुलगा शिवराय मस्के (वय १६) हे तिघे मधल्या घरात राहत होते. गायत्री मस्के या विधवा असून त्या आपल्या दोन्ही मुलांसह साधे जीवन जगत होत्या. त्यांच्या घराशेजारीच सख्खे दिर राहत असल्याची माहिती पुढे आली आहे.
प्राथमिक माहितीनुसार, घर, शेतजमीन आणि कौटुंबिक वादातून हे हत्याकांड घडले असावे, असा संशय व्यक्त केला जात आहे. मात्र, हत्येमागील नेमके कारण अद्याप स्पष्ट झालेले नाही.
घटनेच्या रात्री उष्म्यामुळे तिघेही घराच्या गच्चीवर झोपले होते. रात्री सुमारे १२ वाजण्याच्या सुमारास अज्ञात व्यक्तीने गच्चीवर प्रवेश करून तलवारीने सपासप वार केल्याचे सांगितले जात आहे. या हल्ल्यात गायत्री मस्के आणि त्यांची मुलगी प्रिया यांचा गच्चीवरच मृत्यू झाला, तर गंभीर जखमी झालेला शिवराय हा घरातील बैठकीच्या खोलीत रक्ताच्या थारोळ्यात मृतावस्थेत आढळून आला.
शुक्रवारी दुपारी ही घटना उघडकीस येताच गावकऱ्यांनी घटनास्थळी मोठी गर्दी केली. या क्रूर घटनेने बोरामणी गाव अक्षरशः हादरून गेले असून नागरिकांमध्ये भीतीचे वातावरण आहे.
दरम्यान, पोलिसांनी घटनास्थळी पंचनामा करून तपासाला वेग दिला आहे. आरोपीच्या शोधासाठी तीन विशेष पथके रवाना करण्यात आली असून, संशयितांची चौकशी सुरू आहे. या हत्याकांडामागील नेमका सूत्रधार कोण आणि खरे कारण काय, याचा शोध घेण्यासाठी पोलीस युद्धपातळीवर तपास करत आहेत.
प्रियाचा निकाल लागला पण....
तीन सदस्य मस्के कुटुंबीय गुण्यागोविंदाने राहत होते. गायत्री मस्के या विधवा होत्या. त्यांची मोठी मुलगी प्रिया मस्के हिने बारावीचे पेपर दिले होते आणि निकालाची प्रतीक्षा होती. तर मुलगा शिवराज मस्के हा दहावी परीक्षा दिले होते. आई आणि बहिणीचा आधार होण्यासाठी पुढे शिकण्याची इच्छा होती. प्रिया मस्के हिला डॉक्टर होण्याची इच्छा होती त्यासाठी तिने लातूर येथे नीट परीक्षेचा अभ्यास करत होती. मात्र प्रियाचा निकाल लागला. पण निकाल पाहण्यासाठी ती जगात नव्हती. काका पप्पू मस्के याने प्रियाचं स्वप्न एका रात्रीत होतंच नव्हतं केलं. प्रिया हीची रात्री बाराच्या सुमारास तलवारीच्या साह्याने निर्घृण वार करत हत्या केली.
7 एकर शेतीच्या वाटणीवरून मागील काही महिन्यापासून वाद सुरु
दरम्यान, मिळालेल्या माहितीनुसार, शंकर दत्तात्रय मस्के, सुधाकर दत्तात्रय मस्के आणि प्रदीप दत्तात्रय मस्के या तिघे भाऊ होते.. गेल्या पाच वर्षापूर्वी सुधाकर मस्के यांचा मृत्यू झाला होता. तर गेल्या तीन वर्षापूर्वी प्रदीप यांचा मृत्यू झाला होता. या तिघांसाठी वडिलांनी जवळपास 15 वर्षांपूर्वी तिघांसाठी तीन स्वतंत्र बंगले बांधले होते. 7 एकर शेती तिन्ही भावंडत होती. या शेतीच्या वाटणीवरून मागील काही महिन्यापासून वाद सुरु होते. याचं संपत्तीवरून शंकर याने आपल्या सख्या भावजयसह पुतण्या-पुतणीची हत्या केली आहे.
0 Comments