खामसवाडीतील तरुणावर टोळक्याचा हल्ला; जातीवाचक शिवीगाळ करत मारहाण, आठ जणांविरुद्ध गुन्हा-Dharashiv Crime
धाराशिव : धाराशिव तालुक्यातील खामसवाडी येथे एका तरुणावर टोळक्याने हल्ला करत जातीवाचक शिवीगाळ व मारहाण केल्याची धक्कादायक घटना उघडकीस आली आहे. या प्रकरणी बेंबळी पोलीस ठाण्यात आठ जणांविरुद्ध गुन्हा दाखल करण्यात आला आहे.
याबाबत अधिक माहिती अशी की, फिर्यादी अमर सतीश सोनवणे (वय २५, रा. कात्री, ता. तुळजापूर) हे आपल्या मामाच्या मुलगा दत्ता अवधुते यांच्यासोबत दि. २८ एप्रिल २०२६ रोजी रात्री सुमारे १०.३० वाजण्याच्या सुमारास खामसवाडी येथे होते. त्यावेळी आरोपी खंडु बापु गुळवे, रंजीत सुरेश गुळवे, महेश वैजिनाथ गुळवे, बालाजी अरुण गुळवे, यश ज्ञानेश्वर गुळवे, नागेश ज्ञानेश्वर गुळवे, सोमनाथ भोसले व राजेंद्र सुभाष गुळवे (सर्व रा. खामसवाडी, ता. जि. धाराशिव) यांनी एकत्र येऊन गैरकायद्याची मंडळी जमवली.
या टोळक्याने फिर्यादी व त्यांच्या नातेवाईकाला जातीवाचक शिवीगाळ करत लाथाबुक्यांनी व दगडांनी मारहाण केली. या हल्ल्यात दोघेही जखमी झाले असून, आरोपींनी फिर्यादीच्या घराच्या पत्र्यावर दगड मारून नुकसानही केल्याचे तक्रारीत नमूद आहे.
या प्रकरणी अमर सोनवणे यांनी दि. २९ एप्रिल रोजी दिलेल्या फिर्यादीवरून बेंबळी पोलीस ठाण्यात भारतीय न्याय संहिता कलम 118(1), 115(2), 352, 333, 324(4), 189, 190, 191 तसेच अनुसूचित जाती-जमाती अत्याचार प्रतिबंधक कायदा कलम 3(1)(र), 3(1)(स) अन्वये गुन्हा नोंदवण्यात आला आहे.
पोलिसांकडून पुढील तपास सुरू असून, आरोपींचा शोध घेण्याचे काम सुरू असल्याची माहिती मिळाली आहे.
0 Comments