चुलत बहिणीच्या लग्नात नाचल्याच्या कारणावरून तरुणावर कोयत्याने हल्ला; चौघांविरुद्ध गुन्हा-Dharashiv Crime News Daily
धाराशिव-प्रतिनिधी : चुलत बहिणीच्या लग्नात सर्वांसमोर नाचल्याचा राग मनात धरून एका ३० वर्षीय तरुणास शिवीगाळ करत लोखंडी कोयत्याने मारहाण करून गंभीर जखमी केल्याची घटना परंडा तालुक्यातील सरणवाडी येथे घडली. या प्रकरणी परंडा पोलिस ठाण्यात चौघांविरुद्ध गुन्हा दाखल करण्यात आला आहे.
परंडा पोलीस ठाण्यात दाखल फिर्यादीनुसार, फिर्यादी दिपक भारत जाधव (वय ३०) हे दि. १३ मे २०२६ रोजी सायंकाळी सुमारे ६ वाजण्याच्या सुमारास सरणवाडी येथील सूर्यकांत कदम यांच्या घराजवळ होते. त्यावेळी आरोपी विशाल अर्जुन साबळे, वैभव लक्ष्मण जाधव, गणेश लक्ष्मण जाधव व लक्ष्मण धर्मा जाधव यांनी “तू तुझ्या चुलत बहिणीच्या लग्नात सगळ्यांसमोर का नाचत होतास?” असा जाब विचारत शिवीगाळ केली.
यानंतर आरोपींनी फिर्यादीस लाथाबुक्क्यांनी मारहाण केली तसेच लोखंडी कोयत्याने हल्ला करून गंभीर जखमी केले. तसेच जिवे ठार मारण्याची धमकी दिल्याचे फिर्यादीत नमूद करण्यात आले आहे. जखमी दिपक जाधव यांनी दि. १४ मे २०२६ रोजी दिलेल्या प्रथम खबरवरून परंडा पोलीस ठाणे येथे भारतीय न्याय संहिता (भा.न्या.सं.) कलम 118(2), 115(2), 352, 351(2), 3(5) अन्वये गुन्हा नोंद करण्यात आला आहे.
या घटनेमुळे सरणवाडी परिसरात काही काळ तणावाचे वातावरण निर्माण झाले होते. पुढील तपास परंडा पोलीस करत आहेत.
0 Comments