अवैध गुटखा वाहतुक करणाऱ्यावर गुन्हा दाखल, आनंद नगर पोलीस स्टेशनची मोठी कारवाई

अवैध गुटखा वाहतुक करणाऱ्यावर गुन्हा दाखल, आनंद नगर पोलीस स्टेशनची मोठी कारवाई 
प्रतिनिधी रुपेश डोलारे उस्मानाबाद

उस्मानाबाद :दि.30.06.2023 रोजी गुप्त बातमीदारांकडून मिळालेल्या माहितीच्या आधारे पोलीस ठाणे आनंदनगर, जि. उस्मानाबादच्या पथकाने कर्नाटक राज्यातुन बीडकडे महाराष्ट्र राज्यात प्रतिबंधित केलेला पानमसाला, तंबाखु व टेम्पो असा एकुण 41,40,000 ₹ किंमतीचा मुद्देमाल जप्त केला आहे.

     सदर प्रकरणी सविस्तर माहिती अशी की, दिनांक 30.06.2023 रोजी रात्री उशिरा पोलीस ठाणे आनंदनगर येथे मिळालेल्या गुप्त बातमीच्या आधारे पोलीसांनी सापळा लावून तुळजापूर कडून बीड कडे जात असलेल्या एक चौकलेटी रंगाचा टेम्पो क्र. ए पी 23 डब्ल्यु 2999 हा टेम्पो एक आय डी सी उड्डाण्पूल उस्मानाबाद येथे पकडून त्यातील मालाबाबत चालक मोहम्मद इरफान मोहम्मद आरीफ, वय 27 वर्षे, व्य चालक, रा. एम एस के मिल जवळ, जिलानाबाद, गुलबर्गा( कर्नाटक) व त्याचा सहकारी सय्यद आसीफ सय्यद रुकमोद्दीन वय 26 वर्षे, रा. कडगंची, गुलबर्गा विद्यापीठ जवळ, गुलबर्गा (कर्नाटक) यांना विचारणा केली असता त्यांनी सदर टेम्पोमध्ये पान मसाला, तंबाखु असा मुद्देमाल असल्याचे कबुल केले. सदर वाहनात शासनाने प्रतिबंधित केलेले पदार्थ असल्याची खात्री झाल्याने नमुद इसम व त्यांचे ताब्यातील मुद्देमाल असे टेम्पोसह पोलीस ठाणे आनंदनगर येथे आणुन सदर इसमांच्या विरुध्द कलम 328, 188, 272, 273, 34 भादंवि प्रमाणे गुन्हा दाखल करण्यात आला असुन आरोपींना अटक करण्यात आले आहे.

       सदरची कारवाई मा. श्री. अतुल कुलकर्णी, पोलीस अधीक्षक उस्मानाबाद, श्री नवनीत कॉवत, अप्पर पोलीस अधीक्षक उस्मानाबाद, श्री. स्वप्निल राठज्ञेड, उपविभाग पोलीस अधिकारी, उस्मानाबाद, श्री. दिलीप पारेकर पोलीस निरीक्षक आनंदनगर यांच्या मार्गदर्शनाखाली सहा. पोलीस निरीक्षक गोरक्ष खरड, पोलीस हावलदार ज्ञानदेव कांबळे, चालक पोलीस नाईक सचिन खंडेराव, पोलीस अंमलदार ज्ञानेश्वर कागदे यांनी केली आहे. गुन्ह्याचा पुढील तपास सपोनि गोरक्ष खरड पोलीस  ठाणे आनंदनगर हे करत आहेत.