आकांक्षित तालुका कार्यक्रम परांडा तालुक्यात उत्साहात
ग्रामपंचायत सदस्य,बचतगट महिला, ग्रामस्थ ऑनलाईन उदघाटन सोहळ्यात सहभागी -
धाराशिव दि.01 : आकांक्षित तालुका कार्यक्रम (Aspirational Block Programme ) हा सध्या देशभरात भारत सरकारच्या नीती आयोगामार्फत राबविण्यात येत आहे. देशात एकूण 500 पंचायत समित्यांमध्ये राबविण्यात येत आहे. धाराशिव जिल्ह्यातील परंडा तालुक्याची आकांक्षित तालुका म्हणून निवड करण्यात आली आहे. 3 ते 9 ऑक्टोबर दरम्यान या कार्यक्रमांतर्गत संकल्प सप्ताह राबविला जाणार आहे.या संकल्प सप्ताहचे उदघाटन आज 30 सप्टेंबर रोजी सकाळी 10 वाजता प्रधानमंत्री नरेंद्र मोदी यांच्या हस्ते दिल्ली येथे करण्यात आले.
या उदघाटन सोहळ्यासाठी देशभरातून 3000 अधिकारी, लोकप्रतिनिधी उपस्थित होते.यामध्ये धाराशिव जिल्हा परिषदेचे मुख्य कार्यकारी अधिकारी राहुल गुप्ता, सहायक जिल्हाधिकारी प्रियंवदा म्हाडदळकर,परांडा तालुक्याचे गट विकास अधिकारी संतोष नागतिलक, तालुका आरोग्य अधिकारी डॉ. विनयशिल कुलकर्णी,सिरसाव ग्रामपंचायतचे सरपंच कुमार पांडूरंग वायकुळे,गट व्यवस्थापक तुकाराम ढोरे यांची उपस्थिती होती.
जिल्ह्यातील परंडा तालुक्याची आकांक्षित तालुका म्हणून निवड झाली आहे.या तालुक्यातून जवळा,सिरसाव,वाकडी,अनाळा, शेळगाव,चिंचपूर बुद्रुक,लोणी,आसू, शिराळा, व सोनारी या 10 मोठया ग्रामपंचायतमध्ये ग्रामपंचायत सदस्य, बचत गट महिला,ग्रामस्थ थेट ऑनलाईन उदघाटन सोहळ्यासाठी उपस्थित होते.प्रत्येक ग्रामपंचायतीमध्ये सरासरी 100 नागरिक या उदघाटन सोहळ्याला ऑनलाईन उपस्थित होते.
प्रतिनिधी रुपेश डोलारे धाराशिव.
0 Comments