पेट्रोल टाकून पत्नीस जाळणाऱ्या नराधमास जन्मठेप
लातुर सत्र न्यायालयाचा निकाल,
लातुर : सोने व कपडे खरेदीसाठी विवाहतेस माहेरून पैसे घेऊन ये म्हणून स्वतःच्या लहान मुलांसमोरच अंगावर पेट्रोल टाकून जाळून खून करणाऱ्या आरोपी पतीला येथील सत्र न्यायालयाने जन्मठेपेची शिक्षा सुनावली आहे.
या घटनेची हकीगत अशी की ,जयाबाई गजानन चक्रे राहणार बौद्ध नगर लातूर या विवाहातेला तिचा पती गजानन एकनाथ चक्रे व दीर संतोष एकनाथ चक्रे हे विवाहपासूनच तू माहेरून घर चालवण्यासाठी व घर बांधणीसाठी पैसे घेऊन ये म्हणून मारहाण करून त्रास देत होते. कपडे व सोने खरेदीसाठी तुझ्या माहेरून पैसे आणत नाहीस हा राग मनात धरून 13 जानेवारी 2021 रोजी राहत्या घरात आरोपी गजानन चक्रे व संतोष चक्रे यांनी जयाबाईच्या अंगावर पेट्रोल टाकून तिला पेटवून दिले होते. त्यात जयाबाई ही 40% भाजल्याने तिच्यावर लातूरच्या शासकीय रुग्णालयात उपचार सुरू होते. तेथे तिचा 12 फेब्रुवारी 2021 रोजी मृत्यू झाला होता.
याप्रकरणी मयत जयाबाईच्या भाऊ रवी सोपानराव मुळे यांच्या तक्रारीवरून आरोपी विरुद्ध विवेकानंद चौक पोलीस ठाण्यात गुन्हा दाखल करण्यात आला होता. तपास अधिकारी सहाय्यक पोलीस निरीक्षक दयानंद पाटील यांनी या प्रकरणातील दोन्ही आरोपींना अटक करून प्रत्यक्षदर्शी व माहितीगार साक्षीदारांचे जबाब नोंदवून आरोपी विरुद्ध सबळ पुरावा मिळाल्याने न्यायालयात दोषारोपपत्र दाखल केली होती या प्रकरणाची सुनावणी जिल्हा व सत्र न्यायाधीश क्रमांक १ आर .बी रोटे यांच्यासमोर झाली यात एकूण नऊ साक्षीदाराच्या जबानी नोंदवण्यात आल्या.
या प्रकरणाचा तपास सहाय्यक पोलीस निरीक्षक दयानंद पाटील यांनी केला, तपासात मदतनीस म्हणून पोलीस नाईक वाजित चिखले, पैरवी अंमलदार म्हणून पोलीस हवालदार कोतवाड यांनी काम पाहिले. विवेकानंद चौक पोलीस ठाण्याचे पोलीस निरीक्षक सुधाकर गावकर यांनी आरोपींना शिक्षा होण्याच्या दृष्टीने आरोपींना समन्स,वाॅंरन्ट बजावणी संदर्भात पाठपुरावा केला सरकार पक्षातर्फे अतिरिक्त सरकारी अभियोक्ता जयश्री पवार यांनी पहिले.
मुलाची साक्षी ठरली महत्त्वाची
सदरचा खून हा मयताचा लहान मुलगा यांच्यासमोर झाल्याने त्यांनी तशी साक्ष न्यायालयात दिली मुलाची साक्ष ग्राह्य धरून समर्थनीय पुरावा आल्याने आरोपी गजानन एकनाथ चक्रे वय (40 )यास खुणाच्या गुन्ह्यात दोषी ठरवत दोषी ठरवत जन्मठेप व एक हजार रुपयांचा दंड तर कलम 498 अ खाली दोन वर्षे शिक्षा व पाचशे रुपयांचा दंड अशी शिक्षा सुनावण्यात आले.
0 Comments