धाराशिव: भोसले कॉलेजच्या राष्ट्रीय सेवा योजना विशेष हिवाळी शिबीराचा समारोप

धाराशिव: भोसले कॉलेजच्या राष्ट्रीय सेवा योजना विशेष हिवाळी शिबीराचा समारोप

धाराशिव प्रतिनिधी : येथील श्रीपतराव भोसले ज्यु.कॉलेज, धाराशिव मधील राष्ट्रीय सेवा योजना विभागाच्या वतीने मौजे. दारफळ येथे आयोजित करण्यात आलेल्या शिबीराचा दि. १० जानेवारीला समारोप झाला. या शिबीर कालावधीत ग्राम स्वच्छता, रस्ते स्वच्छता, गाजर गवत निर्मुलन, वृक्षारोपन, शोषखड्डे, गटार दुरुस्ती, मंदिर सफाई, नाला बंडींग दुरुस्ती, गावातील दिशादर्शक फलक बसविणे इत्यादी कामे करण्यात आली. तसेच एड्स जनजागृती, बालविवाह प्रतिबंधक जनजागृती, अंधश्रद्धा निर्मुलन, हागणदारी मुक्त गाव जनजागृती, दारुबंदी विषयी संवाद व विविध विषयावरील व्याख्याने असे विविध उपक्रम राबवण्यात आले.  शिबिरातील स्वयंसेवकांना क्षेत्रभेटीची अनुभूती यावी म्हणून त्यांना गावातील प्रगतशील शेतकरी श्री. सचिन जाधव यांच्या शेतातील डेअरी फार्म दाखवण्यात आला. या प्रसंगी अध्यक्ष म्हणून श्रीपतराव भोसले ज्युनिअर कॉलेजचे उपप्राचार्य श्री. एस. के. घार्गे सर यांची उपस्थिती लाभली. कार्यक्रमासाठी प्रमुख पाहुणे म्हणून दारफळ गावचे सरपंच श्री. रवींद्र जाधव उपस्थित होते. तसेच दारफळ गावचे पोलिस पाटील श्री. सचिन जाधव, भोसले ज्युनिअर कॉलेजचे कला व वाणिज्य विभाग प्रमुख श्री. एन. आर. नन्नवरे सर, श्री. ए. व्ही. भगत सर,  ॲड. श्री. तोफिक शेख,  सौ. वाडकर मॅडम यांची प्रमुख उपस्थिती लाभली.

 यावेळी जिल्हा परीषद प्राथमिक शाळा, दारफळ येथील मुख्याध्यापक श्री. पाटील विभिषण, सहशिक्षक श्री. मोरे सर, श्री. बोरके सर, श्री. सावंत सर, श्री. मसे सर, श्री. मरपळे सर, श्री. पाटील सर, सौ. करडे मॅडम, सौ. कापसे मॅडम, सौ. गोरकर मॅडम, तसेच राष्ट्रीय सेवा योजनेचे सहकार्यक्रमाधिकारी सौ. जाधव एस. एल. मॅडम, आदींची विशेष उपस्थिती होती. कार्यक्रमाचे सुत्रसंचालन राष्ट्रीय सेवा योजनेचे कार्यक्रमाधिकारी प्रा. श्री. पाटील एस. व्ही. सर तर आभार सहकार्यक्रमाधिकारी श्री. मोहिते के. बी. सर  यांनी मानले. या शिबिरासाठी संस्थाध्यक्ष श्री. सुधीर अण्णा पाटील सर, कॉलेजचे प्राचार्य श्री. एस.एस. देशमुख सर, उपप्राचार्य श्री. एस. के. घार्गे सर, प्रशासकीय अधिकारी श्री. आदित्य पाटील सर, दारफळ गावचे सरपंच श्री. रवींद्र जाधव यांचे सहकार्य लाभले.