मौजे उमरगा चि.येथे अखंड हरिनाम सप्ताह व श्री.ग्रंथराज ज्ञानेश्वरी पारायण सोहळ्यास मोठ्या उत्साहात प्रारंभ

मौजे उमरगा चि.येथे अखंड हरिनाम सप्ताह व श्री.ग्रंथराज ज्ञानेश्वरी पारायण सोहळ्यास मोठ्या उत्साहात  प्रारंभ.

""""""""""""""""""""""""""""""""""""""""""""पारायण सोहळ्यात यावर्षी प्रथमच दररोज सायंकाळी ३ ते ५ यावेळेत होणार रामकथा वाचन व निरूपण.

""""""""""""""""""""""""""""""""""""""""""""""

बुधवार दि.७ मे रोजी हभप.गुरुवर्य श्री कान्होबा महाराज देहुकर  यांच्या काल्याच्या कीर्तनाने व  काला वाटपाने होणार पारायणाची सांगता.

""""""""""""""""""""""""""""""""""""""""""""""

*इटकळ (दिनेश सलगरे):- तुळजापुर तालुक्यातील मौजे उमरगा चि.येथे प्रतिवर्षा प्रमाणे याही वर्षी परमपूज्य श्रीगुरु सोपानकाका  देहुकार महाराज व ज्ञानेश्वर माऊली महाराज देहूकर यांच्या कृपा आशीर्वादाने व हभप बाळासाहेब महाराज देहुकर यांच्या मार्गदर्शनाखाली गुरुवार दि. १ मे  २०२५ ते बुधवार दि.७ मे २०२५ या कालावधीत श्री.ग्रंथराज ज्ञानेश्वरी पारायण व रामकथा सोहळा संपन्न होत आहे तरी गाव परिसरातील रामभक्त भाविक भक्तांनी लाभ घ्यावा असे आव्हान उमरगा चि.ग्रामस्थांच्या वतीने करण्यात येत आहे. या पारायणाच्या व्यासपीठ अधिष्ठान पदी हभप. आण्णासाहेब बळीराम कदम महाराज हे आहेत. या सात दिवसातील दैनंदिन कार्यक्रम कार्यक्रम पहाटे ५ते ६:३० काकडा आरती , सकाळी ७ ते ११ज्ञानेश्वरी पारायण , दुपारी १२ ते २ तुकाराम गाथा भजन, दुपारी २ ते ३ भोजन, सायंकाळी ३ ते ५ रामकथा, सायंकाळी ५ ते ६ हरिपाठ , रात्री ८ ते १० हरिकिर्तन ,  रात्री ११ ते पहाटे ४ हरिजागर अशा पद्धतीने दैनंदिन कार्यक्रम असून या पारायण सोहळ्यात नामवंत अशा किर्तकाराची सेवा होणार आहे  तर जगद्गुरु तुकाराम महाराज यांचे वंशज हभप. गुरुवर्य श्री कान्होबा महाराज देहुकर यांचे काल्याचे किर्तन व काला वाटप करण्यात येणार आहे. तरी गाव परिसरातील सर्व रामभक्त भाविक भक्तांनी या पारायण सोहळ्यातील कार्यक्रमाचा लाभ घ्यावा असे आवाहन उमरगा चि.ग्रामस्थांच्या वतीने प्रसिध्दी पत्रकान्वये करण्यात आलेले आहे.