धाराशिव :आंतरराज्य दुचाकी चोरटा स्थानिक गुन्हे शाखेच्या ताब्यात “ पाच मोटरसायकल जप्त स्थानिक गुन्हे शाखेची कारवाई

धाराशिव :आंतरराज्य दुचाकी चोरटा स्थानिक गुन्हे शाखेच्या ताब्यात “ पाच मोटरसायकल जप्त स्थानिक गुन्हे शाखेची कारवाई

धाराशिव प्रतिनिधी रुपेश डोलारे : मागील काही महिन्यापासून जिल्ह्यात मोटरसायकल चोरीचे प्रमाण वाढले असून या चोरट्यांना जेरबंद करण्यासाठी पोलीस प्रशासन शर्तीने प्रयत्न करत आहेत. या चोऱ्यांना काळा बसवण्यात आज स्थानिक गुन्हे शाखा धाराशिवला  आले आहे. एका आंतरराष्ट्रीय दुचाकी चोरत्यास अटक करून त्याच्याकडून पाच मोटरसायकल जप्त करण्यात आले आहेत. महादेव उर्फ गगन गणेश शिंदे असे दुचाकी चोर आरोपीचे नाव आहे.

याबाबत पोलिसांकडून मिळालेली अधिक माहिती अशी की, आज मा. पोलीस अधीक्षक श्री. रितु खोखर, अपर पोलीस अधीक्षक श्री.  शफकत आमना, यांचे मार्गदर्शनाखाली स्थानिक गुन्हे शाखेचे पोलीस निरीक्षक श्री. विनोद इज्जपवार यांचे आदेशावरुन सहाय्यक पोलीस निरीक्षक सचिन खटके, अमोल मोरे, पोह/327 जानराव, पोह/1003 वाघमारे, पोना/1479 जाधवर, पोना/1611 जाधवर, पोअं/1029 कोळी, चालक पोह/1248 अरब, पोअं/बोईनवाड, पोअं/693 दहीहांडे असे धाराशिव जिल्ह्यातील मालाविषयक गुन्ह्यातील आरोपीचा शोध घेवून मालाविषयक गुन्हे उघड व पाहिजे फरारी आरोपीचा शोध घेणे कामी पेट्रोलींग करीता असताना पथकास गुप्त बातमीदारा मार्फत बातमी मिळाली की, इसम नामे महादेव उर्फ गगन अरुण शिंदे रा. मस्सा यांने कोठुन तरी मोटारसायकली चोरुन आणुन त्याचे पत्राचे शेडमध्ये लावलेल्या असुन तो त्याचे मस्सा येथील राहते घरासमोर थांबलेला आहे. अशी खात्रीलायक बातमी मिळाल्यावरुन पथकाने नमुद ठिकाणी जावून त्यास ताब्यात घेवून त्याचेकडे त्यास त्याचे नाव गाव विचारले असता त्याने त्याचे नाव- महादेव उर्फ गगन अरुण शिंदे, वय 22 वर्षे, रा. मस्सा खं. ता. कळंब जि. धाराशिव असे सागिंतले.तो थांबलेल्या ठिकाणी असलेल्या शेडमधील मोटरसायकली बाबत विचारपुस केली असता त्याने उडवाउडवीचे उत्तरे दिली त्यास अधिक विश्वासत घेवून चौकशी केली असता त्यांने सदरच्या मोटरसायकली या येरमाळा, धाराशिव, ढोकी, तामलवाडी येथुन एक कर्नाटक राज्यातुन चोरुन आणलेल्या आहेत असे सांगीतले. पथकाने सदर मोटरसायकल बाबत कोठे गुन्हे दाखल आहेत.

याबाबत माहिती घेतील असता सदर मोटरसायकल अनुषंगाने पोस्टे येरमाळा, ढोकी, आनंदनगर, तामलवाडी, व कर्नाटक येथील पोस्टे लाकाल जि. बादलकोट येथे गुन्हे दाखल आहे. पथकाने दोन पंचा समक्ष आरोपी नामे- महादेव उर्फ गगन अरुण शिंदे, वय 22 वर्षे, रा. मस्सा खं. ता. कळंब जि. धाराशिव याचे ताब्यातुन नमुद गुन्ह्यातील 05 मोटरसायकल एकुण 2,60,000 ₹ किंमतीचे जप्त करुन पुढील कार्यवाही कामी गुन्ह्यातील मुद्देमालासह आरोपीस आनंदनगर पोलीसांच्या ताब्यात दिले. 

सदरची कामगीरी मा. पोलीस अधीक्षक श्रीमती रितु खोखर व मा. अपर पोलीस अधीक्षक श्रीमती शफकत आमना. यांचे मार्गदर्शनाखाली सथानिक गुन्हे शाखेचे पोलीस निरीक्षक श्री. विनोद इज्जपवार, सहाय्यक पोलीस निरीक्षक सचिन खटके, अमोल मोरे, पोलीस हावलदार विनोद जानराव, समाधान वाघमारे, नितीन जाधवर, पोलीस नाईक बबन जाधवर, पोलीस अंमलदार  योगेश कोळी, चालक पोह/ महेबुब अरब,पोलीस अंमलदार विनायक दहीहंडे, प्रकाश बोईनवाड यांच्या पथकाने केली आहे.