तामलवाडीत ४०० किलो गोवंशीय मांसाची बेकायदेशीर वाहतूक उघड; दोघांविरुद्ध गुन्हा दाखल-Dharashiv Crime
तुळजापुर (प्रतिनिधी) :
तामलवाडी परिसरात गोवंशीय जनावरांच्या मांसाची बेकायदेशीर वाहतूक करणाऱ्यांविरुद्ध पोलिसांनी कारवाई करत सुमारे ४०० किलो मांस जप्त केले आहे. या प्रकरणी दोघांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी सोहेब शकुर कुरेशी आणि शाकुर इनामदार (दोघे रा. सोलापूर) हे दि. २९ एप्रिल २०२६ रोजी सायंकाळी ६.०४ वाजण्याच्या सुमारास तामलवाडी येथे ह्युंदाई कंपनीच्या अॅक्सेंट कार (क्र. एमएच १२ बीजी ५५५४) मधून गोवंशीय जनावरांचे सुमारे ४०० किलो मांस विक्रीच्या उद्देशाने बेकायदेशीररीत्या वाहतूक करत होते.
या संदर्भात तामलवाडी पोलिसांना गुप्त माहिती मिळाल्यानंतर सापळा रचून संबंधित वाहनाची तपासणी करण्यात आली. तपासणीदरम्यान वाहनात मोठ्या प्रमाणावर गोवंशीय मांस आढळून आले. त्यानंतर पोलिसांनी तात्काळ कारवाई करत मांस जप्त केले व आरोपींना ताब्यात घेतले.
या प्रकरणी तामलवाडी पोलीस ठाण्यात आरोपींविरुद्ध महाराष्ट्र प्राणी संरक्षण अधिनियम १९७६ मधील कलम ५(क) व ९(अ) अन्वये गुन्हा नोंदवण्यात आला आहे. पुढील तपास पोलीस करत आहेत.
दरम्यान, या कारवाईमुळे परिसरात खळबळ उडाली असून बेकायदेशीर मांस वाहतूक करणाऱ्यांविरुद्ध पोलिसांनी कठोर कारवाईचा इशारा दिला आहे.
0 Comments