येडेश्वरी यात्रेत भाविकांना लुटणारी टोळी जेरबंद; धाराशिव गुन्हे शाखेची मोठी कारवाई, ३ आरोपी अटकेत Yermala Police Station Crime News
धाराशिव /प्रतिनिधी : येरमाळा येथील प्रसिद्ध येडेश्वरी यात्रेदरम्यान भाविकांना अडवून लुटणाऱ्या आणि वाहने चोरी करणाऱ्या टोळीचा पर्दाफाश करण्यात धाराशिव स्थानिक गुन्हे शाखेला मोठे यश आले आहे. पोलिसांनी या प्रकरणात ३ आरोपींना अटक केली असून त्यांच्याकडून तब्बल १ लाख ३० हजार रुपयांचा मुद्देमाल जप्त करण्यात आला आहे.
१ एप्रिल ते ४ एप्रिल २०२६ या कालावधीत येडेश्वरी यात्रेसाठी आलेल्या भाविकांना आळणी शिवार आणि कुसळंब-धानोरा रोड परिसरात अडवून लुटण्याच्या अनेक घटना घडल्या होत्या. याच काळात येरमाळा शहरातून दोन मोटारसायकली चोरीला गेल्याने परिसरात भीतीचे वातावरण निर्माण झाले होते. या प्रकरणी अज्ञात आरोपींविरुद्ध गुन्हे दाखल करण्यात आले होते.
गुन्ह्याचे गांभीर्य लक्षात घेऊन पोलीस अधीक्षक रितू खोखर यांनी स्थानिक गुन्हे शाखेला तात्काळ तपासाचे आदेश दिले. त्यानुसार, सपोनि सुदर्शन कासार व त्यांच्या पथकाने गुप्त माहितीच्या आधारे ११ एप्रिल २०२६ रोजी मोहा आणि आळणी परिसरातून तीन संशयितांना ताब्यात घेतले.
सखोल चौकशीत आरोपींनी त्यांच्या एका साथीदारासह मिळून भाविकांना अडवून लुटल्याची तसेच मोटारसायकल चोरी केल्याची कबुली दिली.
👮♂️ अटक आरोपी:
- आनंद शामराम पवार (वय २७, रा. आळणी)
- शुभम शामराव पवार (वय २५, रा. आळणी)
- बबन शहाजी काळे (वय २८, रा. मोहा, ता. कळंब)
💰 जप्त मुद्देमाल:
- २ सोन्याचे डोरले
- १ मोबाईल फोन
- २ मोटारसायकली
➡️ एकूण किंमत : ₹१,३०,०००
या टोळीचा एक साथीदार अद्याप फरार असून पोलीस त्याचा शोध घेत आहेत.
ही कारवाई पोलीस अधीक्षक रितू खोखर व अपर पोलीस अधीक्षक शफकत आमना यांच्या मार्गदर्शनाखाली पोनि विनोद इज्जपवार, सपोनि सुदर्शन कासार आणि त्यांच्या पथकाने यशस्वीपणे पार पाडली. पथकातील शौकत पठाण, प्रकाश औताडे, जावेद काझी, फरहान पठाण व नागनाथ गुरव यांनीही महत्त्वाची भूमिका बजावली.
सदर आरोपींना पुढील तपासासाठी धाराशिव ग्रामीण पोलिसांच्या ताब्यात देण्यात आले असून या कारवाईमुळे परिसरातील नागरिकांनी पोलिसांचे कौतुक केले आहे.
0 Comments