शेतातील माती टाकण्याच्या वादातून वृद्ध महिलेला बेदम मारहाण-उमरगा पोलीस ठाण्यात गुन्हा दाखल- Crime News

शेतातील माती टाकण्याच्या वादातून वृद्ध महिलेला बेदम मारहाण-उमरगा पोलीस ठाण्यात गुन्हा दाखल- Crime News 

धाराशिव :  जिल्ह्यातील उमरगा तालुक्यात शेतातील अरण खोदकामातून निघालेली माती शेजारच्या शेतात टाकल्याच्या कारणावरून वाद निर्माण होऊन एका वृद्ध महिलेला बेदम मारहाण केल्याची घटना उघडकीस आली आहे. या प्रकरणी उमरगा पोलीस ठाणे येथे चार जणांविरुद्ध गुन्हा नोंद करण्यात आला आहे.

पोलीसांनी दिलेल्या माहितीनुसार, आरोपी आनंद मनोहर मुगळे, आकाश आनंद मुगळे, सरोजा आनंद मुगळे, सर्व रा. मळगीवाडी ता. उमरगा तसेच गणेश अभिमन्यु गायकवाड रा. डिग्गी ता. उमरगा जि. धाराशिव यांनी दि. 20 मे 2026 रोजी सकाळी साडेपाच वाजण्याच्या सुमारास मळगीवाडी येथे फिर्यादी निर्मलाबाई आण्णाराव घोंगडे (वय 65) यांच्याशी वाद घातला.

“आमच्या शेतातील अरण खोदलेली माती तुमच्या शेतात का टाकली,” या कारणावरून आरोपींनी फिर्यादी महिलेला शिवीगाळ केली. त्यानंतर लाथाबुक्यांनी मारहाण करत काठी व दगडाने हल्ला करून गंभीर जखमी केल्याचा आरोप फिर्यादीत करण्यात आला आहे.

या घटनेनंतर जखमी निर्मलाबाई घोंगडे यांनी दि. 24 मे 2026 रोजी दिलेल्या प्रथम खबरेवरून उमरगा पोलीस ठाणे येथे भारतीय न्याय संहिता (भा.न्या.सं.) कलम 118(2), 118(1), 115(2), 352, 351(2), 351(3), 3(5) अन्वये गुन्हा दाखल करण्यात आला आहे.

या घटनेचा पुढील तपास पोलीसांकडून सुरू असून आरोपींचा शोध घेण्यात येत आहे.