नळदुर्ग : सासरच्या छळाला कंटाळून विवाहितेची आत्महत्या; पतीसह चौघांवर गुन्हा दाखल- तुळजापूर तालुक्यातील घटना-Naldurg Police Station Crime
तुळजापूर प्रतिनिधी (Naldurg) :- सततची शिवीगाळ, मारहाण आणि मानसिक छळ सहन न झाल्याने 24 वर्षीय विवाहितेने विषारी औषध प्राशन करून आत्महत्या केल्याची धक्कादायक घटना Yedola येथे उघडकीस आली आहे. या प्रकरणी Naldurg Police Station येथे पतीसह चार जणांविरुद्ध आत्महत्येस प्रवृत्त केल्याप्रकरणी गुन्हा दाखल करण्यात आला आहे.
मिळालेल्या माहितीनुसार, मयत आशा आकाश शेगर (वय 24, रा. येडोळा ता. तुळजापूर जि. धाराशिव) हिचा विवाह आरोपी आकाश दत्ता शेगर याच्यासोबत झाला होता. मात्र विवाहानंतर मार्च 2022 पासून सासरच्या मंडळींकडून तिला सतत मानसिक व शारीरिक छळ सहन करावा लागत होता. “तु काळी आहेस, आम्हाला आवडत नाहीस, तु तुझ्या घरी निघून जा, आम्हाला तुला नांदवायचे नाही,” असे म्हणत आरोपी तिचा वारंवार अपमान करत असल्याचा आरोप फिर्यादीत करण्यात आला आहे.
तसेच किरकोळ कारणांवरून शिवीगाळ व मारहाण करून विवाहितेचा छळ करण्यात येत होता. या सततच्या त्रासाला कंटाळून आशा हिने दि. 10 मे 2026 रोजी सायंकाळी सुमारे 4 वाजण्याच्या सुमारास राहत्या घरी विषारी औषध सेवन करून आत्महत्या केली.
याप्रकरणी मयत महिलेचे वडील दत्ता देवराव चव्हाण (वय 52, रा. येडोळा) यांनी Naldurg Police Station येथे फिर्याद दिली. त्यावरून आरोपी आकाश दत्ता शेगर, चांगुणाबाई दत्ता शेगर, भाग्यश्री दिलीप चव्हाण व तात्याराव राजाराम चव्हाण, सर्व रा. येडोळा ता. तुळजापूर जि. धाराशिव यांच्याविरुद्ध Bharatiya Nyaya Sanhita, 2023 अंतर्गत कलम 80, 85, 108, 3(5) अन्वये गुन्हा नोंद करण्यात आला आहे.
या घटनेमुळे परिसरात हळहळ व्यक्त होत असून पुढील तपास पोलीस करीत आहेत.
0 Comments