सोलापूर-हैदराबाद राष्ट्रीय महामार्गावर भीषण अपघात : भरधाव टँकरची दुचाकीला पाठीमागून धडक; १८ वर्षीय तरुणाचा मृत्यू-Solapur-Hyderabad Highway Road Accident
धाराशिव : सोलापूर-हैदराबाद राष्ट्रीय महामार्गावरील इटकळजवळील तुळजापूर चौक येथे भरधाव टँकरने दुचाकीला पाठीमागून जोरदार धडक दिल्याने १८ वर्षीय तरुणाचा दुर्दैवी मृत्यू झाल्याची घटना घडली आहे. या प्रकरणी नळदुर्ग पोलीस ठाण्यात टँकर चालकाविरोधात गुन्हा नोंद करण्यात आला आहे.
मिळालेल्या माहितीनुसार, मयत आकाश सर्जेराव भोसले (वय १८, रा. मुस्ती, ता. दक्षिण सोलापूर, जि. सोलापूर) हे दि. ११ एप्रिल २०२६ रोजी रात्री १२.१५ वाजण्याच्या सुमारास मोटरसायकल क्रमांक एमएच २५ बीई ८६५० वरून प्रवास करत होते. त्यावेळी सोलापूर ते हैदराबाद जाणाऱ्या एनएच-६५ महामार्गावरील इटकळजवळील तुळजापूर चौक येथे टँकर क्रमांक एमएच १२ सीएच ०३५१ च्या चालकाने आपल्या ताब्यातील वाहन भरधाव व निष्काळजीपणे चालवत आकाश भोसले यांच्या दुचाकीला पाठीमागून जोरदार धडक दिली.
या भीषण अपघातात आकाश भोसले हे गंभीर जखमी झाले. त्यांना उपचारासाठी हलविण्यात आले; मात्र उपचारादरम्यान त्यांचा मृत्यू झाला. या घटनेमुळे परिसरात हळहळ व्यक्त होत आहे.
याप्रकरणी फिर्यादी सर्जेराव दत्तु भोसले (वय ६५, रा. मुस्ती, ता. दक्षिण सोलापूर, जि. सोलापूर) यांनी दि. १२ मे २०२६ रोजी दिलेल्या प्रथम खबरेवरून नळदुर्ग पोलीस ठाण्यात भारतीय न्याय संहिता कलम १०६(१), २८१ सह मोटार वाहन कायदा कलम १८४ अन्वये गुन्हा नोंदविण्यात आला असून पुढील तपास पोलीस करीत आहेत.
0 Comments