धाराशिव: श्रीपतराव भोसले ज्युनिअर कॉलेजमध्ये विज्ञान विभागाचा पालक मेळावा संपन्न
धाराशिव : येथील श्रीपतराव भोसले ज्युनिअर कॉलेज, धाराशिवमध्ये विज्ञान शाखा इयत्ता अकरावीचा पालक मेळावा घेण्यात आला. प्रत्येक पालक व विद्यार्थी यांचा शिक्षकासोबत संवाद व्हावा असे मत आदर्श शिक्षण प्रसारक मंडळाचे अध्यक्ष माननीय सुधीर अण्णा पाटील यांचे होते. यानुसार प्रशासकीय अधिकारी आदित्य भैया पाटील व महाविद्यालयाचे प्राचार्य आदरणीय साहेबराव देशमुख सर यांच्या मार्गदर्शनाने हा पालक मेळावा आयोजित करण्यात आला. स्पर्धेच्या युगात मध्ये टिकायचा असेल तर आपली गुणवत्ता सिद्ध करावी लागेल असे प्रतिपादन कॉलेजचे उपप्राचार्य श्री. संतोष घारगे यांनी केले.
त्यानंतर प्रा. अरविंद भगत सर यांनी प्रमुख या नात्याने विज्ञान विभागात चालणाऱ्या फोटॉन बॅच व फिनॉमिनल बॅच विषयी माहिती दिली. नंतर कार्यक्रमाचे प्रमुख पाहुणे निवृत्त प्राध्यापक श्री. तानाजी हाजगुडे सर यांनी पालकांच्या काही सूचनांचे निरसन केले. प्रा. मोमीन सर यांनी अध्यक्षिय समारोप केला. कार्यक्रमाचे सूत्रसंचालन व आभार प्रदर्शन वर्ग शिक्षक प्रा. प्रसाद माशाळकर सर यांनी केले. या कार्यक्रमात पालक प्रतिनिधी म्हणून श्री.संजय शिराळ यांना मान देण्यात आला होता. हा कार्यक्रम यशस्वी करण्यासाठी सर्व शिक्षक व शिक्षकेत्तर कर्मचाऱ्यांनी परिश्रम घेतले.
0 Comments