पवनचक्कीच्या अधिकाऱ्यास का बोललास या कारणावरून एकावर सशस्त्र हल्ला; एकाच कुटुंबातील चौघाजणाविरुद्ध गुन्हा दाखल तुळजापूर तालुक्यातील घटना-
धाराशिव प्रतिनिधी /रुपेश डोलारे : पवनचक्कीचे विद्युत पोलचे काम करणाऱ्या अधिकाऱ्यास का बोललास या झुल्लक कारणावरून एकास शिवीगाळ करून लाथा बुक्क्यांनी व सुरीने मारहाण करून त्यास गंभीर जखमी करण्यात आले ही घटना दिनांक 28 रोजी दुपारी तुळजापूर तालुक्यातील मानमोडी येथे घडली असून याप्रकरणी चौघाजणा विरुद्ध नळदुर्ग पोलीस ठाण्यामध्ये गुन्हा दाखल करण्यात आला आहे.
या घटनेबाबत पोलिसाकडून मिळालेली अधिक माहिती अशी की आरोपी सुधाकर व्यंकट गुंजकर, ईश्वर व्यंकट गुंजकर ,अनिता सुधाकर गुंजकर, अलका ईश्वर गुंजकर राहणार मानमोडी ता.तुळजापुर यांनी संगणमत करून दिनांक 28 रोजी दुपारी दोन वाजून 30 मिनिटाच्या सुमारास फिर्यादी रोहित राजेंद्र गुंजकर वय 30 वर्ष राहणार मानमोडी आरोपीने तू पवन चुकीचे विद्युत पोलचे काम करणारे अधिकाऱ्याला का बोलला अशा कारणावरून शिवीगाळ करून लाथा बुक्क्यांनी सुरीने मारहाण करून रोहित गुंजकर यांना जखमी केली व जीवे ठार मारण्याची धमकी दिली याप्रकरणी या घटनेनंतर फिर्यादी रोहित गुंजकर यांनी 30 सप्टेंबर रोजी पोलीस ठाण्यात तक्रार दाखल केली आहे त्यांच्या तक्रारीवरून पोलिसांनीही चारही आरोपी विरुद्ध भारतीय न्याय संहिता कलम 118 (1) 333 ,115 (2) 352 ,351 (2) , 3 (5) अन्वये गुन्हा दाखल करण्यात आला असून नळदुर्ग पोलीस या प्रकरणाचा अधिक तपासणी पोलीस करत आहेत.
0 Comments