“माझ्या निवेदनावर कारवाई का केली नाही?असे म्हणत तहसीलदाराची गाडी अडवून गोंधळ; शासकीय कामात अडथळा, दोघांवर गुन्हा दाखल-Crime News
धाराशिव: परंडा तहसील कार्यालयाच्या आवारात शासकीय कामात अडथळा निर्माण केल्याची घटना समोर आली असून, संबंधित प्रकरणी एका आरोपीसह अन्य एक इसमाविरुद्ध गुन्हा दाखल करण्यात आला आहे.
परंडा पोलीस ठाण्याने दिलेल्या माहितीनुसार, आरोपी योगेश मेटकरी (रा. पिठापुरी, ता. परंडा) व त्याच्या एका साथीदाराने दि. १५ एप्रिल २०२६ रोजी सायंकाळी सुमारे ६.३५ वाजण्याच्या सुमारास तहसील कार्यालयाच्या आवारात ही घटना घडवली.
फिर्यादी निलेश मारुती काकडे (वय ३२, रा. जारकरवाडी, ता. आंबेगाव, जि. पुणे, सध्या शासकीय निवासस्थान, तहसील कार्यालय परंडा) हे आपले शासकीय कर्तव्य पार पाडण्यासाठी कार्यालयात जात असताना आरोपींनी त्यांची गाडी आडवली. त्यानंतर “माझ्या निवेदनावर कारवाई का केली नाही, आत्ताच्या आत्ताच अर्जावर कारवाई कर” अशी मागणी करत शिवीगाळ केली आणि दबाव टाकण्याचा प्रयत्न केला.
या प्रकारामुळे शासकीय कामकाजात अडथळा निर्माण झाल्याने फिर्यादी निलेश काकडे यांनी दिलेल्या तक्रारीवरून परंडा पोलीस ठाण्यात भा.न्या.सं. कलम १३२, २२१, २२४, १२६(२), ३५१(२), ३५२, ३(५) तसेच बी.पी. ॲक्ट अंतर्गत कलम ११०, ११२, ११७ अन्वये गुन्हा दाखल करण्यात आला आहे.
घटनेनंतर पोलीसांनी तपास सुरू केला असून आरोपींच्या पुढील कारवाईबाबत प्रक्रिया सुरू असल्याची माहिती मिळाली आहे.
0 Comments