पीक कर्ज टाळणाऱ्या बँकावर कारवाई होणार -मा.खा. ओमप्रकाश राजेनिंबाळकर.

 पीक कर्ज टाळणाऱ्या बँकावर कारवाई होणार -मा.खा. ओमप्रकाश राजेनिंबाळकर.

प्रतिनिधी रुपेश डोलारे धाराशिव

धाराशिव: जिल्हास्तरीय बँकर्स समितीची पीक कर्ज आढावा बैठक मा.खा. ओमप्रकाश राजेनिंबाळकर यांच्या व जिल्हाधीकारी श्री.सचीन ओबांसे यांच्या अध्यक्षतेखाली दि,२० रोजी जिल्हाधिकारी कार्यालयात पार पडली .

  या बैठकीत प्रामुख्याने खा. ओमराजे निंबाळकर यांनी सर्व बॉकांना खालील प्रमाणे सूचना केल्या. बँकांनी  पीक कर्जाचे वाटप करताना दत्तक बँकेची अट शेतकऱ्यांना बंधनकारक करु नये. गरजू शेतकरी त्याला आवश्यक असलेल्या कुठल्याही बँकेतून कर्ज घेण्याचा त्याला अधिकार आहे तसेच सर्व बँकांनी त्यांना दिलेला लाक्षांक हा पाळणे बँकांना बंधनकारक आहे. ज्या बँका वेळेत लाक्षांक पूर्ण करुन वेळेवर शेतकऱ्यांना पीक कर्ज वाटप करणार नाही त्याच्यावर योग्य ती कार्यवाही करावी  तसेच वयस्कर खातेदारांना कर्ज देण्यास बँका टाळाटाळ करतात अशा वेळी त्याच कुटुंबातील इतर व्यक्तीनां सहकर्जदार म्हणून घ्यावे व कर्ज वाटप करावे.

       शेतकऱ्यांना पेरणी पूर्व मुबलक प्रमाणात मिळाल्यास कोणऱ्याही शेतकऱ्यांना सावकाराच्या दारा समोर उभा राहण्याची वेळ येणार नाही तसेच जिल्हा उपनिंबधक यांनी सर्व सहाय्यक निंबधक यांना या बँका वेळेवर कर्ज वाटप करतात का नाही याची खातर जमा करावी. पंजाबराव देशमुख व्याज सवलत योजनेत अनेक लाभार्थी बँकांच्या चुकामुळे यादीत पात्र नसल्याने निदर्शनास आले आहे. अशा बँकांनवर फौजदारी स्वरुपाची कारवाई करता येते का याची खातर जमा जिल्हाधिकारी यांनी करावी .

जिल्हा मध्यवर्ती बँकेने जून्या शेतकऱ्यांकडून पीक कर्ज व व्याज भरुन घेताना तसेच कर्जाचे नुतनीकरण करताना शेतकऱ्यांकडून रोख स्वरुपात रक्कम भरावी असा फतवा सहकार विभागच्या पत्राचा आधार घेऊन काढला असल्याची धक्कादायक माहीती समोर आली यामुळे हा फतवा शेतकऱ्यांना वर अन्याय करणारा आहे. त्यामुळे कर्जाचे नुतनी करण करुन घेताना इतर बँका ज्या पद्धतीने नुतनीकरण करतात तेच धोरण जिल्हा मध्यवर्ती बँकांनी राबवावे.  चालू हंगामात काही बोटावर मोजण्याजोग्या शाखा अधिकाऱ्यांनी पीक कर्जाचे वाटप समाधान कारक केले असून इतर बँकाचे काम समाधानकारक नाही. त्यामुळे सर्व बँकांनी त्यांना दिलेल्या लाक्षांका प्रमाणे दि. 05 जूलै 2023 पर्यंत पीक कर्जाची शेतकऱ्यांना वाटप करावे. आपण परत या सर्व पीक कर्जाचा आढावा दि.6 जूलै 2023 रोजी घेणार असून या बैठकी वेळी ज्या बँकेचे कर्ज वाटप कमी आहे. अशा बँकावर कारवाई होणार असल्याचे स्पष्ट केले. 

सदर बैठकीस जिल्हा अग्रणी  अधिकारी, जिल्हा उपनिंबधक, कार्यकारी संचालक, जिल्हा मध्यवर्ती बँक तसेच सर्वे बँकाचे कर्ज विभागाचे अ धि कारी उपस्थित होते.