परिवहन महामंडळाच्या उस्मानाबाद विभागात 44 शिकाऊ रिक्त जागेसाठी उमेदवार भरती,9 ऑगस्टपर्यंत ऑनलाईन अर्ज मागविण्याची अंतिम तारीख
प्रतिनिधी रूपेश डोलारे उस्मानाबाद
उस्मानाबाद,दि.26 - महाराष्ट्र राज्य मार्ग परिवहन महामंडळाच्या उस्मानाबाद विभागात शिकाऊ उमेदवार भरती 2023-24 करिता फक्त ऑनलाईन पध्दतीने अर्ज मागविण्यात आले आहेत.
दि. 24 जुलै ते 09 ऑगस्ट 2023 पर्यंन्त आय टी आय उत्तीर्ण उमेदवारांनी MIS वेब पोर्टलवरील www.apprenticeshipindia.org या वेबसाईटवर ऑनलाईन नोंदणी करुन MSRTC Division Osmanabad या आस्थापनेत Establishment CodeE 03172700669 या करीता ऑनलाईन पध्दतीने अर्ज करणे आवश्यक आहे. तसेच अभियांत्रिकी पदवीधर किंवा पदविकाधारक उत्तीर्ण उमेदवारांनी NATS पोर्टलवरील www.mhrdnats.gov.in या वेबसाईटवरुन MSRTC OSMANABAD Division या आस्थापने (Establishment) करीता Establishment CodeWMHOSC00001 ऑनलाईन अर्ज करणे आवश्यक आहे. नोंदणी केलेल्या अर्जाची प्रत व अभियांत्रिकी पदवीधर किंवा पदवीकाधारक तसेच आयटीआय उत्तीर्ण संपूर्ण वर्षाचे शैक्षणिक कागदपत्रे 24 जुलै ते 09 ऑगस्टपर्यंत कार्यालयीन वेळेत उस्मानाबाद येथील डॉ. बाबासाहेब आंबेडकर पुतळ्याजवळील राज्य मार्ग परिवहन महामंडळाच्या विभागीय कार्यालय येथे जमा करावीत.
कागदपत्रासोबत भरती प्रक्रिया शुल्क म्हणून खुल्या प्रवर्गासाठी 600 रुपये व मागासवर्गीय उमेदवारांनी 300 रुपयांचा राष्ट्रीयकृत बँकेचा डीडी अथवा पोस्टल ऑर्डर MSRTC FUND ACCOUNT PAYABLE AT OSMANABAD यांच्या नावे काढावा व तो अर्जासोबत जोडणे आवश्यक आहे. डीडी अथवा पोस्टल ऑर्डरच्या मागे उमेदवाराने त्याचे नाव व अर्ज केलेल्या पदाचे नाव लिहणे बंधनकारक आहे. मागासवर्गीय उमेदवाराने सक्षम प्राधिकारी यांनी दिलेला जातीचा दाखला जोडणे आवश्यक आहे.उमेदवाराने जमा केलेले भरती प्रक्रिया शुल्क कोणत्याही कारणास्तव परत केले जाणार नाही. प्रशिक्षणार्थी उमेदवाराचे [ईकेवायसी]आधारकार्ड राष्ट्रीयकृत बँकेत लिंक असणे आवश्यक आहे. भविष्यात राष्ट्रीय उमेदवारी अंतर्गत दावे सादर करतेवेळी अडचणी येणार नाहीत. तसेच प्रोफाईल 100 टक्के पुर्ण करणे बंधनकारक आहे. कागदपत्रे तपासणीवेळी कागदपत्रे पडताळणी समितीस सर्व मुळ कागदपत्रे दाखविणे बंधनकारक आहे. (उदा. शाळा सोडल्याचा दाखला, गुणपत्रके, आधारकार्ड, जातीचा दाखला आदी) जाहिरातीमध्ये दर्शविलेला ट्रेड व भरलेला ट्रेड तपासणे आवश्यक आहे, चुकीचा ट्रेड टाकल्यास अर्ज रद्द समजला जाईल याची नोंद घ्यावी.
मोटार मेकॅनिक व्हेईकल (27), ॲटो इलेक्ट्रीकल किंवा इलेक्ट्रेशियन (04), मेकॅनिक ऑटो इलेक्ट्रीकल अॅन्ड इलेक्ट्रॉनिक्स (01), पत्रे कारागीर (शीट मेटल) (10), अभियांत्रिकी पदवीधर (01) आणि अभियांत्रिकी पदवीकाधारक (01) अशा विविध एकूण 44 जागांसाठी भरती प्रक्रिया राबविण्यात येणार आहे. तरी जिल्ह्यातील इच्छुक उमेदवारांनी जास्तीत जास्त संख्येने अर्ज करावेत, असे आवाहन उस्मानाबाद राज्य मार्ग परिवहन महामंडळाचे विभाग नियंत्रक यांनी केले आहे.
0 Comments